Versets bíblics populars de Suk Gato Yerasul Ben Ne 14

Comparteix

”Nin gwat suksom wa men wa suma ne? Men ka we yetu tepsu nin sor re. Nin som men ka we nde. Men ka we ma wa ki sukdu subot os ndo gato Yesus Kristus kak wa men yetu ne, subere nin misyar yefun bok yo gato jom nin ne. Yefun bok ne yo ós nin nde, sane yefun bok gato yo mbau nde nin brek kadit, ete nin jammo Yefun Allah gato gesyos ne sor. Nin bi nin nggwa mo Yefun Allah gato ut gu nim ne, bur ré si sem si suk mwa mone sino et.

Paulus ki sukdu nai nje mone sa, ye gato gwes út ne syaretwa Paulus bi sukdu ne. Orete Paulus sokwa an, Paulus jam mo an mit do, ye ne sa, kwabom kam mo Yefun Yesus do, bere Yefun Yesus ben an gwes nggi. Sane, Paulus ki nggi nai ye ne do, ”Nan ti su nan gwes se!” Sugane it, ye ne yak ti, ye ne muket an gwes.

Mo kota bok ne sino gato an we mu mone, Paulus si Barnabas bes yekwesu mo nu ari wa mewa ye gato onyar kem mo Yefun Yesus mo kota bok ne. An we mewa nggwa kadit sugit yei, an we ki suk su Yefun sor. An we ki suk su Yefun do, ”Yefun Allah, yekwesu ré onyar kem mo Nan it. Nan mewa án, Nan ben án nggiwa án ben suk tepsu yekwesu wa mewa ye gato onyar kem mo Yefun Yesus.”