Versets bíblics populars de MATEUS 1

Comparteix

Sorang ma sian ia sada anak halaklahi, angkon Jesus do baenonmu goar ni Dakdanak i. Harana, giot paluaonNia ma bangsoNa sian angka dosa ni halahi be.”

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

Hatiha manimbangi pangalaho i dope si Josep, marnipi ma ia. Diida ia ma di nipinia i, ro ma sada surusuruan mandok tusia, “Ale Josep, anak ni si Daud, ulang ho mabiar mambuat si Maria gabe dadaborumu. Harana, sian kuaso ni Tondi Parbadia do na di pamatangna i.

Songon on ma baritana taringot tu hasosorang ni Jesus Kristus. Dompak martunangan dope si Maria dohot si Josep, hape na dung denggan do pamatangnia. I ma sian kuaso ni Tondi Parbadia. Hum na martunangan dope halahi hatiha i, nada marbagas dope. Halak na burju do si Josep tunangannia i. Jadi giot antahonnia ma parhataan na tu si Maria. Giot sipsip do ninna rohania baenonnia songon i, angke inda jop rohania laho pailahon si Maria di jolo ni halak na bahat.