Versets bíblics populars de HAGAI 1

Comparteix

Hara ni i ninna TUHAN Na Markuaso i ma, “Pamanat hamu ma dirimunu.” Madung disabur hamu bahat same, hape saotik do suhana. Adong do nian panganon di hamu, tapi nada tuk pabutongkon siubeonmunu. Minum do hamu nian, tapi nada sombu nguasmunu. Adong do pakeanmunu, tapi nada tuk mambaen las pamatangmunu. Jana upa na nijagit ni pangomo nada tuk laho paudutkon ngolu ni halahi.

Saonnari manangkok ma hamu tu angka dolok laho martoktok, lalu pauli hamu ma BagasKu; jadi gabe sonang ma Huhilala jana pataridahononKu ma hamuliaonKu disi, ninna TUHAN. Sai diarop rohamunu do suha ni karejomunu marlobi-lobi, hape saotik sajo do dapot hamu; dioban hamu ma i mulak, hape Huombus suha ni na dapotmunu i gabe abis dioban alogo. Biasi Hubaen songon i? Songon on do alusna: “Dibaen laing tinggal sego-segona sajo dope BagasKu, hape hamu ma pola sude marsibangun bagasna be, ninna TUHAN Na Markuaso.