Versets bíblics populars de PAMUNGKAAN 45

Comparteix

Ulang pola mabiar hamunu sanga manyolsoli hamu hara ni na nigadismunu i au. Satutuna, Debata do da na manongos au tuson parjolo sian hamu laho mangoloi dohot paluahon bahat halak.

Jadi anggo satutuna, nanggo hamu da na manongos au tuson, tapi Debata do. Madung dibaen Debata au gabe pagawe na pargincat di raja i. Dipasahat do tu au sude kuaso na di luat on; au do na markuaso di tano Mesir on sude.

Ma ditongos Debata au tuson manjoloi hamu laho paluahon hamu dohot dalan hahomangan na songon on, boti anso adong na manjamin hatorkisanmunu dohot ginjang ni umurmunu.

Jadi didok si Josep ma tu halahi, “Ro ma hamu tuson.” Diihutkon halahi ma, jana didok ia ma muse, “Si Josep na nigadismunu i do da au tu Mesir on.

Taon paduahon dope haleon on, jana adong dope lima taon nari na so tarbaen halak mamangkur sanga manyabi.

Didok si Josep ma tu kahangginia i, “Si Josep do da au. Laing mangolu dope he amanta?” ning ia. Tapi dung dibege angka kahangginia i songon i, gabe sun ma biar ni halahi gabe nada taralusi halahi be bagi aha.