Versets bíblics populars de PANGARATAION 5

Comparteix

Pasangap ma amangmu dohot inangmu; songon na diparentahon ni TUHAN Debatamu, anso sonang jana ginjang umurmunu di tano na nilehen ni TUHAN Debatamu di ho.

Oloi hamu ma i sudena, anso sonang hamu jana tarbaen tongtong mangingani tano na giot siingananmunu i.”

Ulang unduk marsomba tu angka i sanga marsomba tu sudena i, angke Au, TUHAN Debatamu, i ma Debata na so ra padiarkon adong imbangKu, na mambaloskon hasalahan ni ama-ama tu dakdanakna, lopus tu sundut patoluhon dohot paopatkon sian halak na margoyak ni roha tu Au. Tapi patuduhononku do holong ni rohangKu tu marribu-ribu halak, i ma na manghaholongi Au jana na mangoloi di parentangKu.

Ulang baen di ho patung na manyarupai sanga aha pe diginjang di langit sanga na adong di tano, bope na di aek na di toru ni tano.

Ulang adong di ho debata na asing di jolongKu.

Ulang dokkon goar ni TUHAN Debatamu, di na so dalanna, dibaen uhuman ni TUHAN do halak na mandok goarNia di na so dalanna.

Sugari nian sai songon i ma pangkilalaan ni halahi! Sugari sai tongtong halahi nian mabiar tu Au jana dioloi sude na Huparentahon, gabe sonang do halahi dohot pomparan ni halahi salolot-lolotna.

Pagodang ma Ari Sabat, anso diparbadiai ho ari i, angke Au do TUHAN Debatamu na mamarentahon i tu ho.

Ulang marpor ni roha tu dadaboru ni donganmu jolma, ulang marpor ni roha di bagasna, tanona, bope naposona halaklahi, bope naposona dadaboru; bope di lombuna, bope di halodena, bope sanga aha nampuna ni donganmu jolma.’

Ulang markarosuan.

Ulang manyaksihon gabus maradopkon donganmu jolma.

Ulang mamunu.

Ulang manangko.

Ingot ma, na diparhatoban do ho di Mesir jana Au do TUHAN Debatamu na dung paluahon ho mardongan hagogoon na godang. Hara ni i ma umbaen na Huparentahon tu ho laho manghagodangkon Ari Sabat i.

Onom ari ma lolotmu mangkarejohon sude karejomu, tapi ari papituhon, i ma Ari Sabat ni TUHAN Debatamu. Nada jadi mangkarejohon nasa karejo di na sadari i – bope ho, bope anakmu, bope borumu, bope naposomu halaklahi, bope naposomu dadaboru, bope lombumu, bope halodemu, sanga halak na mardagang di hutamu. Angka naposomu pe angkon maradian do laing songon ho sandiri.

Ninna Debata ma, ‘Au do TUHAN Debatamu, na maroban hamu ruar sian tano Mesir, sian inganan parhatobanan i.