Versets bíblics populars de AMSAL 12

Rasa khawate teupeutah seumangat, teuma tutoe haba nyang ramah nyan kheueh nyang peurayeuk até.

Ureuëng nyang cinta keu iéleumé peungeutahuan ureuëngnyan galak meunyoe teuseugah; teuma ureuëng nyang hana galak teuseugah na kheueh ureuëng bangai.

Mariet nyang hana meuteuntée hase teupeuluka até lagée teusôk deungon peudeueng; dan tutoe haba nyang bijaksana lagée ubat nyang bagaih puléh watéenyan cit teuma.

Ureuëng bangai meurasa droe jih hántom na salah, teuma ureuëng bijaksana jitem deungoe naseuhat.

Meunyoe ureuëng bangai teusinggong, nibak watée nyan cit teuma jipeugah até jih sakét that; teuma ureuëng bijaksana hana jipako meunyoe jirapa.

Ureuëng binoe nyang jroh na kheueh keubanggaan dan keubahgiaan lakoe jih, teuma peurumoh nyang jipeumalée lakoe na kheueh peunyakét tuleueng nyang jikurek trok lam sum-sum.

TUHAN geubanci keu ureuëng nyang galak meusulet; teuma Gobnyan galak keu ureuëng nyang jujoe.

Ureuëng nyang jroh leubeh meu-untông nibak teutangga jihnyan; ureuëng jeuhet sisat sabab buet nyang jeuhet nyang jikeureuja.

Sulet teuma deuh lam sikleb mata, teuma tutoe haba nyang beutôi teutab na siumu masa.