Versets bíblics populars de AMSAL 10

Sabab beureukat TUHAN mantong kheueh manusia hase kaya; keureuja nyang brat hana hase teutamah hareuta.

Seumaken le teupeugah haba, seumaken le keumungkenan jih meudesya; ureuëng nyang hase jikeundali lidah jih na kheueh ureuëng bijaksana.

Deungke ngon banci asai teuka dakwa meudakwi; cinta dan gaséh sayang teupeu amphon mandum keusalahan.

Ureuëng beu-oe teuma rhot ubak gasien; ureuëng jumot teuma meuteumé kaya.

Soe nyang jipakoe keu nyang teuseugah ureuëng nyan udeb seujahteura, soe nyang hántem jimeungaku buet nyang salah ureuëng nyan kana lam bahya.

Ureuëng nyang jujoe udeb jih aman; ureuëng nyang galak peungéut gob rhot jih keunong tipée.

Horeumat kheueh TUHAN, teuma gata udeb nyang treb; ureuëng jeuhet maté sigohlom watée jih teuka.

TUHAN hana geupeubiyeu ureuëng jroh-jroh deuk; teuma Gobnyan geupeuteun-peuteun ureuëng jeuhet mangat jeuet di ureuëng jeuhet nyan hana jiteumé nyang jimeuheut.

Meunyoe angén badée teuka, teusampôh kheueh ureuëng jeuhet; teuma ureuëng jujoe teutab teugoh siumu masa.