Versets bíblics populars de MARKUS 1

Comparteix

Óh singoh beungoh, watée mantong suboh that, Isa geubeudôh geutinggai laju rumoh nyan. Gobnyan geujak u teumpat nyang sungue diluwa banda, laju geumeudoá bak teumpat nyang sungue nyan.

Kheun Gobnyan, “Watée jih ka troh, Allah sigra geumat peurintah. Tobat kheueh nibak banmandum desya-desya gata, dan peucaya kheueh ubak Haba Gét nyang teuka nibak Po teu Allah!”

Meunan Isa geuteungoh lam krueng nyan, deuh laju geungieng langét teuhah dan Roh Allah geutron lagée cicém mirah pati u ateueh Gobnyan. Dan óh lheueh nyan teudeungoe su Po teu Allah nyang geupeugah lagée nyoe, “Gata kheueh Aneuëk Ulôn nyang Ulôn gaséh. Gata nyang peugalak that nibak até Lôn.”

Ulôn pumanö gata deungon ié, teuma Gobnyan geupumanö gata ngon Roh Po teu Allah.”

Isa geupeugah ubak awaknyan, “Seutôt kheueh ulôn, ulôn teuma lôn purunoe gata pakriban cara jih teujeue manusia.” Hana jipike panyang bandua awaknyan laju jiseutôt Isa dan jeue jihnyan hana jipako jitinggai disinan.

Ureuëng-ureuëng nyang deungoe Gobnyan hireuen watée jideungoe cara Gobnyan seumeubeuet. Sabab, Gobnyan geuseumeubeuet deungon peunoh wibawa, hana lagée gurée-gurée agama nyang laén.