Versets bíblics populars de MATIUS 8

Comparteix

“Pakon gata teumakot?” kheun Isa. “Peu kheueh gata kureueng peucaya keu Ulôn!” Óh lheueh nyan Isa laju geudong dan geudhôt laju angén badée dan ié danau nyang meu-umbak nyan. Dan watée nyan cit teuma ié danau nyan ka jeuet keureda.

“Bék Pak,” Kheun peuwira nyan, “Ulôn hana layak lôn teurimong Bapak di rumoh ulôn. Bapak peurintah mantong. Euenteuk peulayan lôn nyan ka puléh.

Watée Isa geudeungoe peue nyang jipeugah lé peuwira nyan, Gobnyan kagum lumpah na. Laju Gobnyan geupeugah ubak ureuëng-ureuëng nyang seutôt droe Geuh, “Hebat that ureuëng nyoe. Lamkawan ureuëng Israel pih gohlom na Lôn teumé iman nyang rayeuk lagée ureuëng nyoe!

Laju Isa geupeugah ubak peuwira nyan, “Woe kheueh, peue nyang gata peucaya nyan teuma teujadi.” Dan bak saát nyan cit teuma peulayan nyan puléh.

Murit-murit Isa hireuen. Awaknyan jimarit sabe keudroe-droe, “Ureuëng peu kheueh Gobnyan nyoe, sampoe angén dan umbak pih jiturot peurintah Gobnyan!”