Versets bíblics populars de MATIUS 21

Comparteix

Peue mantong nyang gata lakée lam doá gata, nyang gata lakée nyan teuma gata teurimong, asai gata meuiman.”

“Nyang sikeubiet jih, geukheun lé Isa, meunyoe gata meuiman dan hana ragu-ragu, gata pih hase tapeubuet pakriban nyang ka Ulôn peubuet keu bak ara nyoe. Dan kon nyan mantong, teuma gata jeuet tapeugah ubak gunong nyoe, ‘teubeuôt kheueh dan teuböh kheueh u dalam laôt’: teuma hai nyan teujadi.

Ureuëng ramé nyang jak dikeue dan dilikot Isa jidumpék-dumpék, “Udeb Aneuëk Daud! Geubri beureukat kheueh Gobnyan nyang teuka ateueh nan Tuhan! Pujoe kheueh Allah nyang Mahamanyang!”

Óh lheueh nyan laju geupeugah bak ureuëng-ureuëng nyan, “Di dalam Alkitab na teutuléh bahwa Po teu Allah na geupeugah, ‘Rumoh Ulôn teupeugah rumoh teumpat meudoá.’ Teuma lé gata bandum ka gata peujeuet keu eumpung pancuri!”

“Peugah kheueh ubak Sion, Raja gata teungoh geujak ubak gata. Gobnyan miyueb até dan teungoh geupreh saboh keuleudée, saboh aneuëk keuleudée nyang mantong muda.”

Teuma Isa geupeugah ubak awaknyan, “Peu kheueh gohlom na gata baca peue nyang teutuléh lam Alkitab? ‘Batée nyang hana jipeuguna lé tukang peugét bangunan batée nyan ka jeuet keu batée nyang paleng lumboi sa. Nyoe kheueh buet Tuhan; keubiet lagak that!’ ”

“Teuma, ingat kheueh,” kheun Isa, “bandum hak sibagoe umat Po teu Allah geutarek nibak gata dan geubri keu laén bansa nyang jipeubuet peurintah-peurintah Allah. [