Versets bíblics populars de KITAB NABI YESAYA 43

Ngieng kheueh, Ulôn peubuet sisuatu nyang barô; jinoenyoe ka teupeuphon, peu kheueh han neukalon? Ulôn teuma Lôn peugét jalan dipadang pasi, dan krueng-krueng dalam gle beulantara.

Meunyoe gata neujeumeurang ié, Ulôn teuma na meusajan gata, gata hana teuma karam dipat mantong gata meuteumé susah. Meunyoe meulalu apui, gata hana teuma angöh, cubaan-cubaan nyang brat hana teuma ceulaka gata.

TUHAN meufeureuman, “Hana guna neuingat masa nyang ka lheueh, peucuma neukeunang nyang ka-ka lewat.

Israel, meunoe kheueh feureuman TUHAN, “Ulôn kheueh nyang peujeuet dan nyang peugét gata, bék teumakot, gata pasti Lôn peuseulamat! Ulôn ka Lôn hôi gata deungon nan gata, gata na kheueh milék Ulôn.

Gata na meuyuem bak mata Lôn, Ulôn hareuga dan Lôn gaséh ubak gata; teuma Ulôn bri manusia sibagoe geunantoe gata, bansa-bansa sibagoe geunantoe nyawöng gata.

Sabab Ulôn kheueh TUHAN, Po teu Allah gata, Allah kudus Israel, Nyang Peuseulamat gata. Meusé Ulôn bri sibagoe seuneuboh gata, Sudan dan Syeba sibagoe geunantoe gata.

Bék teumakot, sabab Ulôn Lôn lindong gata. Phon di barat dan nibak timu Ulôn yue aneuëk cucoe gata jimeugumpôi.

Teuma ulôn Allah nyang sampôh desya gata, Ulôn peu amphon gata kareuna meunan kheueh sifeuet Ulôn; Ulôn hana Lôn ingat-ingat ubak desya gata.

He umat Ulôn, gata kheueh saksi-saksi Ulôn, gata Ulôn piléh jeuet keu hamba-hamba Lôn, mangat neuturi Ulôn dan peucaya ubak Ulôn, dan neupeu phom bahwa Ulôn kheueh Po teu Allah. Ulôn Po teu Allah Nyang Mahaesa, hana nyang laén sigohlom dan óh ka lheueh Ulôn.

Ulôn keudroe TUHAN, seulaén nibak Lôn hana nyang peuseulamat gata.

keu siumu masa Ulôn nyoe teutab Po teu Allah. Hana nyang hase geupeuleueh droe nibak kuasa Ulôn, atawa jihalangai reuncana Ulôn.”

Beulatang kleut teuma ji peuagong Ulôn; dan asée srigala dan cicém unta jipujoe Ulôn sabab Ulôn nyang peu ile ié di padang pasi, dan krueng-krueng di padang beulantara keu Lôn bri ié jieb ubak umat nyang ka Lôn piléh. Awaknyan kheueh bansa nyang Ulôn beutuek keu droe Lôn keudroe, mangat jeuet geujak peusampoe puja ngon pujo keu Ulôn.”

Ulôn peurintah ubak utara dan seulatan, mangat awaknyan bubagaih jipeu lheueh laju. Bah aneuëk-aneuëk gata nyang agam jiwoe nibak jiôh, dan aneuëk-aneuëk gata nyang inong jiwoe nibak tieb-tieb ujong bumoe. Sabab awaknyan banmandum ka teuhôi ateueh nan Ulôn, awaknyan Ulôn cebta keu ji peuagong Ulôn.”

TUHAN ka geupeugöt saboh jalan meulalu laôt, meulalu ié nyang meubok-bok meubura. Gobnyan nyang yue peuwira dan sipa-i-sipa-i gobnyan u mideuen prang, dan awaknyan maju deungon geuritan meuguda. Teuma awaknyan reubah, han hase geubeudôh le, awaknyan matée lagée dah panyöt nyang lon.

Ulôn kheueh TUHAN, Po teu Allah gata nyang kudus, Raja gata, nyang cebta gata, he Israel!”