Versets bíblics populars de KEUJADIAN 41

Comparteix

Geujaweueb lé Nabi Yusuf, “Bukon, ya Po raja, teuma Po teu Allah nyang bri tafeusé lumpo nyang paih.”

Dan laju geupeugah lé raja ubak awaknyan, “Hana mungken tanyoe teumé ureuëng laén nyang sisuai nibak Nabi Yusuf, sabab gobnyan geupimpén lé roh Allah.”

Dan raja laju geupeugah ubak Nabi Yusuf, “Allah ka geubri tée banmandum nyoe ubak gata, dan ka jeulaih bahwa gata leubeh carông dan bijaksana nibak soemantong nyan. Gata teuma lôn angkat jeuet keu gubunur, dan banmandum rakyat ulôn jitaát peue-peue nyang gata peurintah. Teuma ulôn kheueh mantong nyang leubeh meukuasa nibak gata.”

Geupeugah lom lé gobnyan, “Allah ka geubri aneuëk-aneuëk ubak ulôn bak watée ulôn susah,” dan laju geuboh nan aneuëk nyang keudua “Efraim”.

Geupeugah lé Nabi Yusuf, “Allah ka geupeujeuet ulôn tuwoe ubak banmandum nyang ulôn deurita dan ubak waréh kawöm ayah ulôn.” Sabab nyan kheueh geuboh nan aneuëk geuh nyang tuha “Manasye”.