Versets bíblics populars de KEULUARAN 5

Comparteix

Óh lheuehnyan Nabi Musa ngon Nabi Harun laju geujak meuhadab ubak raja Meusé sira geupeugah lagée nyoe, “Meunoe kheueh feureuman TUHAN, Allah Israel, ‘Peuidhin kheueh bansa Ulôn jijak mangat jeuet jimeu iébadat ubak Ulôn di padang pasi.’ ”

Seumeunjak ulôn jak meuhadab raja dan lôn meututoe ateueh nan Droeneueh, raja nyan laju jipeuphon iénanya bansa nyoe. Dan Droeneueh hana neupeubuet sapeu keu neutulông awaknyan.”

Dan Nabi Musa geujak meuhadab lom ubak TUHAN sira geupeugah lagée nyoe, “TUHAN, pakon bansa Israel Droeneueh peulaku keuadaan jih nyang lumpah seudeh lagée nyoe bagoe? Pakon Droeneueh neu-utus ulôn keunoe?

“Soe kheueh TUHAN nyan?” jitanyong lé raja. “Keupeue ulôn harôh lôn pakoe keu Jih nyan dan lôn bri idhin ubak bansa Israel jijak nibak nanggroe nyoe? Ulôn hana lôn turi soe TUHAN nyan, dan ureuëng Israel hana ulôn bri idhin jitinggai nanggroe nyoe.”

Dan yue kheueh bak awaknyan mangat jipeugét batée bata hana kureueng nibak nyang ka-ka. Awaknyan keuneuk peubeu oe beu oe droe; nyang kheueh sabab jih awaknyan jimeu krôb-krôb mangat jeuet teubri idhin jijak peuseumah keureubeuen ubak Allah jih. Paksa laju awaknyan mangat jimeubuet leubeh brat nibak nyang ka-ka, mangat awaknyan laloe deungon buet dan hana watée keu jideungoe haba seumeungéut nyang jipeusampoe lé rakan-rakan jih.”