Versets bíblics populars de KEULUARAN 32

Comparteix

Watée bansa Israel jikalon bahwa Nabi Musa treb that-that hana geutreun-treun di ateueh gunong, dan mantong teutab na di ateueh gunong nyan, awaknyan laju jihudom bak Nabi Harun sira jipeugah ubak gobnyan, “Geutanyoe hana tateupeue peue nyang teujadi ateueh Nabi Musa, ureuëng nyang ba geutanyoe geupeuteubiet nibak nanggroe Meusé; dan deungon lagée nyan neupeugét kheueh keu kamoe ilah nyang jeuet jipimpén kamoe.”

Ngon sabab nyan TUHAN meufeureuman ubak Nabi Musa, “Gata jaktreun kheueh laju beureujang-reujang, sabab bansa gata nyang gata pimpén jiteubiet nibak nanggroe Meusé ka jipeubuet jeuhet. Awaknyan ka jiseuleweng peue-peue nyang Ulôn peurintah. Awaknyan jipeugét patong leumô nibak méuh nyang teuteumpah, laju jiseumah dan jipeuseumah keureubeuen ubak patong leumô nyan. Kheun awaknyan, nyang kheueh ilah jih nyang ba awaknyan jiteubiet nibak nanggroe Meusé.

Óh lheuehnyan Nabi Harun laju geupeudong saboh miseubah dikeue leumô méuh nyan dan laju geupeumaklum, “Singoh beungoh na khanuri keu tahoreumat TUHAN.” Óh singoh beungoh banseuboh that, ureuëng-ureuëng Israel laju jiba meupadub boh beulatang peulara keu keureubeuen nyang teutot, dan na padub boh teuk keu keureubeuen peudamé. Awaknyan jiduek sira jimakheun dan jijieb ié, dan laju jibeudôh keu meusukaria.

Óh singoh beungoh Nabi Musa geupeugah ubak bansa nyan, “Gata ka gata peubuet desya nyang paleng rayeuk. Teuma bak uroenyoe ulôn teuma lôn teungoh gunong nyan lom keu lônjak meuhadab TUHAN; mudah-mudahan ulôn geutem peuamphon keu desya-desya gata.”