Versets bíblics populars de KEULUARAN 2

Comparteix

Po teu Allah geudeungoe awaknyan, dan Gobnyan laju geuingat ubak janji Gobnyan ngon Nabi Ibrahim, Nabi Ishaq dan Nabi Yakub. Gobnyan geukalon ureuëng-ureuëng Israel jipeubudak, dan laju geucok peunutôh bahwa ureuëng-ureuëng Israel nyan harôh geutulông.

Meuthon-thon teuma óh lheuehnyan raja nanggroe Meusé laju meuninggai donya. Teuma bansa Israel teutab apoh apah sabab awaknyan jicok keunamiet, akhé jih awaknyan laju jikliek jilakée tulông. Kliek ngon dumpék awaknyan trok ubak Po teu Allah.

Watée aneuëk manyak nyan ka meutamah rayeuk, ma aneuëk nyan laju geujok aneuëk nyan ubak putroe raja. Dan lé putroe raja laju jicok aneuëk manyak nyan sibagoe aneuëk angkat jih. “Aneuëk nyoe ulôn boh nan Musa, sabab aneuëk nyoe ulôn cok lam ié,” kheun putroe nyan.

Geupeugah lé putroe raja ubak ma nyan, “Neuba kheueh aneuëk manyak nyoe, dan gata peumom kheueh jihnyan keu ulôn; singoh keu droeneueh hai ma ulôn jok upak.” Dan laju jiba aneuëk manyak nyan sira jibri mom keu aneuëk nyan.

Watée nyan teuka kheueh putroe raja. Putroe nyan jitreun u krueng keuneuk jak manoe, seudangkan deundayang putroe nyan jijak-jak bak binéh krueng. Ngon hana jisangka-sangka putroe raja nyang teungoh manoe nyan laju jingieng saboh raga di teungoh-teungoh krueng lam naleueng geulagah, dan laju jiyue ubak sidroe namiet inong mangat jijakcok raga nyan.

Watée Nabi Musa ka meutamah rayeuk, laju geujak mita ureuëng-ureuëng nyang saboh bansa ngon gobnyan. Gobnyan geukalon pakriban bansa gobnyan jiseksa ngon jiyue meubuet nyang brat-brat. Dan na geukalon ureuëng Meusé jipoh maté sidroe ureuëng Ibrani. Nabi Musa laju geukalon bansikeulileng geuh, dan watée geukalon hana ureuëng nyang ngieng ateueh gobnyan, laju geupoh maté ureuëng Meusé nyan dan manyét ureuëng nyan laju geusöm sira geuseubée lam anoe.