Versets bíblics populars de PEUNGKHOTBAH 8

Keusimpulan ulôn na kheueh manusia harôh meugeumbira. Kareuna dalam udeb gobnyan di ateueh donya nyoe hana keuseunangan nyang laén nibak gobnyan, seulaén makheun, jieb ié dan meusuka ria. Nyan mantong nyang jeuet geurasa di teungoh-teungoh ié reuôh gobnyan, seumantong udeb nyang geubri lé Po teu Allah ubak Gobnyan.

Bahpih meureutôh-reutôh buet nyang jeuhet nyang ka geupeubuet lé manusia meudesya, ureuëng nyan teutab udeb dan panyang umu jih. Teuma, soenyang taát ubak Po teu Allah, pasti udeb ureuëng nyan mudah sigala.

Keu sigala sisuatu na watée dan cara jih keudroe, teuma bacut sagai nyang tanyoe meungeurti!

Hana meusidroe nyang hase geupeuteun dan geupeupreh bahpih sikeujab meunyoe maté nyang ka trok watée. Nyan na kheueh peujuangan nyang hanjeuet geupeusie, hanjeuet gobnyan teuhinda nibak atranyan, bahpih deungon tipée dan daya upaya.

Pakon mudah that manusia geupeubuet buet nyang jeuhet? Kareuna huköman kon watée nyan laju geubri nibak ureuëng nyan.

Teuma banmandumnyan haba sulet hanjeuet peucaya. Ngieng kheueh peue nyang ka teujadi di ateueh donya; Na ureuëng malém nyang geuhuköm lagée geuhuköm ureuëng doraka, na ureuëng jeuhet nyang geupeulaku lagée ureuëng saleh. Jadi, nyan pih sia-sia hana meuguna.

Hana meusidroe manusia pih jiteupeue peue naseb gobnyan nyang teungoh teupreh-preh, dan hana nyang bisa geupeugah peue nyang teuma teujadi.