Versets bíblics populars de PEUNGKHOTBAH 4

Meunyoe dua droe leubeh meu untông nibak sidroe. Meunyoe awaknyan geujak meubuet, hase jih leubeh gét. Meunyoe nyang sidroe reubah nyang laén hase geutulông. teuma meunyoe nyang sidroe reubah, padahai gobnyan sidroe, cilaka kheueh gobnyan, kareuna hana ureuëng nyang tulông gobnyan.

Meunyoe dua droe ureuëng geujak meusajan hase geutangkeh seurangan musoh, teuma meunyoe sidroe khong geujak mudah jipeutaloe lé lawan. Lhée krek talo nyang teuputa jeuet keusaboh, payah that bak teupeuputôh.

Bak malam nyang sijuek ngon leupie, meunyoe na dua droe geuéh leubeh meu untông meunyoe saleng geupeurapat badan mangat sabe na meuteumé seu uem, teuma pakriban ureuëng hase seu uem meunyoe gobnyan sidroe mantong?

Mungken nyan beutôi, teuma leubeh gét bacut hareuta deungon keuteunangan até nibak padoe keureuja brat deungon dua jaroe dan teutiyeub angén.

Meunan cit ulôn teupeue bahwa manusia geujakbuet nyang cukob brat, teuma kareuna iri até watée geungieng atra kawöm silingka. Banmandum nyan sia-sia mantong lagée useuha teutiyeub angén.

Ureuëng gasien hase jeuet keuraja, dan sidroe ureuëng nyang teuteun hase geuminah geuduek bak takhta. Teuma meunyoe umu ka tuha that raja nyan teulalu bangai keu geuteurimong naseuhat, teuma naseb gobnyan leubeh brok nibak naseb peumuda nyang gasien teuma carông.