Versets bíblics populars de 2 RAJA-RAJA 2

Watée ka trok u meurandeh, Elia laju geupeugah ubak Elisa, “Lakée kheueh peue nyang gata lakée ubak ulôn sigohlom lôn geubeuôt lé TUHAN dan lôn tinggai gata!” Geujaweueb lé Elisa, “Peuwaréh kheueh kuasa Bapak nyan keu ulôn, mangat jeuet ulôn nyoe keugeunantoe Bapak.”

Sira jak, awaknyan bandua hana piôh-piôh geupeugah haba. Deungon hana teusangka-sangka na saboh geuritan meuapui nyang jitarék lé guda meuapui trok keunan laju jipeucre awaknyan bandua dan Elia laju jipeu-ék lam syeuruga lé angén badée.

“Oh, nyan payah that,” seuot Elia. “Teuma meunyoe droeneueh deuh tangieng ulôn watée ulôn geubeuôt lé TUHAN, peue nyang droeneueh lakée nyan geupeutrok. Meunyoe droeneueh hana takalon, nyang gata lakéenyan geutulak.”

laju geuseupôt bajée jubah Elia nyan ateueh ié sira geupeugah, “Dipat kheueh TUHAN, Po teu Allah Elia nyan?” Óh ka lheueh geuseukok bajée ateueh ié krueng nyan, krueng nyan laju beukah dua dan gobnyan pi laju geujak ateueh tanoh nyang ka tho nyan u meurandeh jeh.

Elisa geukalon dan laju geutawök, “Elia, Bapak lôn! Bapak lôn! Nyang lindong Israel nyang peukasa! Bapak ka hanale!” Dan gadôh kheueh Elia nibak mata Elisa. Deungon peudeh that Elisa laju geupriek bajée jubah geuh jeuet keudua boh bagi

Elia laju geusuet bajée jubah gobnyan, lheuehnyan geugulong dan ngon geunulong nyan laju geuseukok ateueh ié krueng nyan. Laju ié krueng nyan beukah jeuet keu dua boh bagi, lé sababnyan Elia ngon Elisa jeuet geujak ateueh teumpat nyang tho.

Teuka kheueh watéejih TUHAN keuneuk beuôt Elia lam syeuruga deungon peurantaraan angén badée. Watéenyan Elia dan Elisa ka geutinggai Gilgal