Versets bíblics populars de Máà 12

Comparteix

Zízɛ̀ áà gèè, “Ye lɛ́ e kélɛ̀, ‘Ɛ̀ɛ̀, Éézɛ̀lɛ̀-mìà, kà à ma. Kɔa Dàa-mì lɛ́ e kɔ̀à Wálà káa, à doó lɛ́ nɔ́ lɛ kɔa Dàa-mì káa. I Dàa-mì lɛ́ e ɓà Wálà káa zì lɔ̀-kpɔ̀ i mɔ̀ɔ, lɛ à mɔ̀ é gó i zò gbáà píé séĩ́ mɔ̀, ɛ̃́ɛ̃́ i gé lɛ̀ séĩ́ mɔ̀, e bɛ̀i, i yɛ́lɛ́-táá-pìè séĩ́ mɔ̀, zéniía, ɓà yíkɛ̀ gáàa séĩ́ yí.’ À tò-ko-mɔ̀ kpànazɛ̀ e zeĩ́ ɓea, lɛ́ e kélɛ̀, ‘I yà-sɔ́nɔ́-mìà zì lɔ̀-kpɔ̀ i mɔ̀ɔ, lɛ à mɔ̀ é kɛ lɛ̀ zí i dìè lɔ̀ kpɔ́ɔ̀ lɛ à ká i mɔ̀ɔ lɛ́ ɓe.’ Lɔ́ɔ̀ pèèlɛ e kéa, Wálà lɔ́ɔ̀ kpànazɛ̀ gbɛɛ wá ɓe, kɛ é dieá o là.”

Zízɛ̀ e là tòà-píé-mìàa súo kɛ e píé, áà gèè o lɛ̀ɛ, “Wánà-wɔ̃̀ lɛ́ m̀ gèe ka lɛ̀ɛ ɓɛ. Gã̀ã lee lɛ́ pɛ wá à kɛ̀lɛ̀ e kéa, pɛ́ a dà pɛlèe dàà-yí-pɛ̀ɛ yía, lɛ gbùò, é dieá míá o tóa o séĩ́ là. Ƃii mia yé o tóa, o pɛlèe yé o kɔ̃́ɔ̃̀ lɛ à mɔ̀ɔ dò dà. Kɛɛ léé e ké, lɛ́ pɛ kpã́-kpã̀ lɛ̀ɛ́ gbaa kɛ à kɛ̀lɛ̀ɛ, e pɛ́ e kɛ à kɛ̀lɛ̀ɛ séĩ́ dà. Pɛ́ e kília, lɛ́ e kɛ à tùò-à-là, wà à yìì-à-là káa.”

Lɛ̀ Zízɛ̀ e kɛ yàá pɛlèe dàà-yí-pɛ̀ɛ wɛlɛ líéa, e kɛ mia gɛ̃̀pìà, yé waà kɛ wà pɛlèea dàpìàa ká. Mia kpànazɛ̀ búnùzɛ̀ o kɛ pɛlèe gbùò gbùò dàpìà. Gã̀ã lee lɛ́ pɛ wá à kɛ̀lɛ̀ɛ, e nu, e káɓà pèèlɛ lɛ́ è bɛ̀i à mɔ̀ é kɛ wã́ã́ sɛ̃́ĩ̀ káa, dà à yí.

Lɛ dóo wɔ̃́ kpànazɛ̀ ká kɛɛ Wálà zì lɔ̀-kpɔ̀ mia mɔ̀ɔ, é gó mia zò gbáà píé séĩ́ mɔ̀, ɛ̃́ɛ̃́ o zì wɔ̃́ yí-ma-kɔ̀ séĩ́ yí, e bɛ̀i, o zì yíkɛ̀ gáàa séĩ́ yí, ɛ̃́ɛ̃́ mi yà-sɔ́nɔ́-mìà zì lɔ̀-kpɔ̀ mi mɔ̀ɔ, é kɛ lɛ̀ zí à dìè lɔ̀ kpɔ́ɔ̀ lɛ à ká e dìè mɔ̀ɔ lɛ́ ɓea. Lɛ dóo wɔ̃́ kpànazɛ̀ ká, é dieá nɔ̀-Wálà-lɛ̀ɛ-pɛ̀ lɛ́ ò gèlèa, ɛ̃́ɛ̃́ pɔɔ̀ yé o tó sálà-ɓò-Wálà-mɔ̀-pɔ̀ɔ̀ káa o là.”

Zízɛ̀ a gèe o lɛ̀ɛ, “Kà pɛ lɛ́ e Sízà là pɛ káa nɔ à lɛ̀ɛ, ɛ̃́ɛ̃́ pɛ́ yé lɛ Wálà zì pɛ káa, kà nɔ Wálà lɛ̀ɛ.” O lé e pa kpó-kpó ɓo wɔ̃́ lɛ́ Zízɛ̀ a gèea mɔ́ɔ̀ wɔ̃̀ mɔ̀.