Versets bíblics populars de Máà 1

Comparteix

Làapíé tùlù pɛ̃-pɛ̃ káa, Zízɛ̀ e wɛ̀lɛ̀, e ɓɔ pɛlɛí, áà lò lɛ̀ lɛ́ à dɔɔ̀ lɛ dĩĩa mɔ̀, áà sɛ̀nɛ ɓò à lɛ̀ mɔ̀.

Áà gèè, “Lúó aà ɓɔ. Wálà zì tò-mia-là lùò aà ɓɔ kɔ̀ɛ́. Kà ka sɔ̃̀ɔ̃ yɔɔ mɛ́ vɔ̀ɔ, ká wɔ̃́ làṹ yièa gɛ̃̀ wánà ká.”

Lɛ̀ Zízɛ̀ e gó nɔ́ yíía bàa, e lɛ̀í gɛ̃̀ à lé áà ɓò e kíe mɔ̀, ɛ̃́ɛ̃́ Gɛ̀ɛ̀ Púlú áà nù à là kélɛ̀ tèŋè lɛ́ ɓe. Lɛ̀ e kɛ kília, wéé dò e gó Wálà-pà weeá kélɛ̀, “Ƃi lɛ́ i m̀ lɔ̀-kɛ̀á-nɛ̀ káa. M zò dàà lɛ i píé.”

Ḿm̀ ka bàtáì kɛ̀ yíí ká, kɛɛ à yee, lɛ́ɛ̀ lo ka bàtáì kɛɛ̀ Gɛ̀ɛ̀ Púlú ká.”

Lɛ́ Zízɛ̀ a gèe o lɛ̀ɛ kélɛ̀, “Kà nu kɔ́á tàà-kíe-píé kɛ. Ḿm̀ lo ka kɛɛ̀ ká mia sɔ̀lɔ̀ ɓo lɛ̀ zí kà kpã̀ã́ sɔ̀lɔ̀ ɓoáa lɛ́ ɓe.” A ɓo nɔ́ e lé kéa, wáà kã̀ wà fɛ̃́ĩ̀a mɔ̀, wáà tò à píé.

Míá o kília, o lé e pa pɛ-zɔ̃̀ɔ̃̀-kɔ̀ lɛ́ Zízɛ̀ e kɛ à zɔ̃̀ɔ̃̀pìàa mɔ́ɔ̀ wɔ̃̀ ká. Lɛ̀ɛ́ gbaa zɔ̃̀ɔ̃̀ lɛ̀ zí Wálà kii-dɔ-mìà ò à zɔ̃̀ɔ̃̀ à káa lɛ́ ɓe. Kɛɛ a zɔ̃̀ɔ̃̀ yíkɛ̀ gágà ká.