Versets bíblics populars de Héchos 2

Comparteix

Pédro chajnai ore ga chojninga: –Ecãcho uacáyipiedie quigode, uacadode ore ome Dupade. Angoño uágaja ore ujetiga ore chaca uáguiji yodi uje uacanguretáyo Jesús to. Enga a Dupade chĩro uacate gajnaréngone jne enga a Dupade chisi uáguiji Dajopié Espíritu Sánto to jne rĩ.

Enga udore ore chejna rángaja Jesús irógode apóstol udore acajnaquéode, enga pirasitigai déji ore ome ñane uje ore chamáta ñane gatuaque ome picatecãraitigade ome Dupade; jé u to uje ore chamáta ñane ome dabosode.

Enga Dupade Ujopié Espíritu Sánto irágu ore ajéode jnese enga jĩrique ore chiraja enga ore doi dara quedéjnane. Ore chiraja gu Dupade Ujopié Espíritu Sánto.

Ore chuningame eti cucha ajaramomíni tṍraji gaté. Cho úyujna cuchabe. Cucha ajaramomíni irágu ore charidi guijnatajé. Enga ore chimo cuchárique uje cho piogode ocaraidie. Enga pioque ocarai gajnunie basája ore gáyode jnese. Enga Dupade Ujopié Espíritu Sánto irágu ore ajéode jnese enga jĩrique ore chiraja enga ore doi dara quedéjnane. Ore chiraja gu Dupade Ujopié Espíritu Sánto.

Ore chamáta ñane aja Dupade iguíjna cuchábi iji dirode jnese. Ore chamátapo ñane iji daguíjnane gatuaque to rĩ ome dabosode. Enga jé ũrepise ore ome darasitigade ome ñane uje ore pésu udore. Jesús anguretasórone ore chicota Dupade aja daquigode enga guidai idaisórone que ore chise ore unerotiguérique go. Enga Yocangarádejnai Dupade chõre danguretasórone iji deréjnane gatuaque uje chiqueta ore ome ore isijnaringuéone.

Dupade chojninga: A yuruode tocade jne ome disi ejórigo iji dire erueminórone. A yojne Yujopié Espíritu Sánto aja ayoré ponáyone ore jnese jne iji disi ejórigo. Ore ujnacáningo, ore urórigui a ore chatata yadode jne. Jnacarode a ore chimo denomitígo jne rĩ. Choquíjnane a ore chĩ́cara daritígo jne.

Diga Jesús anguretasórone ore chatapísa rágaja ñane enga ore péro dagúchade gáyode jnese. Ore doi oredie ome dagúchade jnese enga ore chisi dojode Jesús anguretasóño iji daplátadie uje cuchade qué chona ore.

Mu ore jnese uje ore chijócha Pangarádejnai uté ajei údi ome raque enga a chiqueta ore jne.

Guedé a cha dáringai guedé enga topiéjna. Guedoside a cha dáringai guedoside enga a cho diquiyode jne. Ore angarádejnai gãrapiedie u udaji uje cáma di. A pijóninga ore angarádejnai uté diringai jne. Enga suépise cuchade jnese gai.