Versets bíblics populars de مزگینیا مەتتای 24

Comparteix

ژ بەر زێدەبوونا كارێن خراب، دێ ڤیانا گەلەك مرۆڤان سار بیت، لێ ئەوێ تا دویماهیێ خۆ راگریت ئەو دێ قورتال بیت

و ئەڤ مزگینیا پاشایەتیێ دێ ل هەمی جیهانێ هێتە بەڵاڤكرن، كو بۆ هەمی مللەتان ببیتە شاهدەیی و پاشی دێ ب دویماهی هێت.

دێ هەوە گو‍‌ھ ل جەنگ و دەنگوباسێن جەنگان بیت. هشیار بن نەڤەجنقن، چنكو دڤێت ئەڤ تشتە روی بدەن. لێ ئەڤە هێشتا نە دویماهیە.

چنكو دێ مللەتەك دژی مللەتەكی و پاشایەتیەك دژی پاشایەتیەكێ رابیت و دێ ل گەلەك جهان كولب و بیڤەلەرز پەیدا بن، لێ ئەڤە هەمی دەستپێكا ژانێن زاڕۆكبوونێنە.

ئەرد و ئەسمان دێ ژ ناڤ چن، لێ پەیڤێن من چ جاران ژ ناڤ ناچن.

چنكو گەلەك دێ ب ناڤێ من هێن و دێ بێژن: ‹ئەزم مەسیح!› و دێ گەلەكان د سەردا بەن.

هنگی دێ هەوە رادەستی تەنگاڤیێ كەن و كوژن و دێ ژ بەر ناڤێ من كەربێن هەمی مللەتان ژ هەوە ڤەبن، وی دەمی دێ گەلەك هەلنگڤن و ئێكودوو دەنە گرتن و كەربێ ژ ئێكودوو هەلگرن. دێ گەلەك پێغەمبەرێن درەوین پەیدا بن و دێ گەلەكان د سەردا بەن.

عیسای بەرسڤا وان دا: «هشیار بن كەس هەوە د سەردا نەبەت،

ئەڤجا هوین ژی د ئامادە بن، چنكو كوڕێ مرۆڤ دێ د دەمەكێ وەسا دا هێت، كو هوین هزر نەكەن.

ئەڤجا هشیار بمینن، چنكو هوین نزانن كیژ رۆژێ دێ خودانێ هەوە هێت،

لێ سەبارەت وێ رۆژێ و وێ دەمژمێرێ كەس نزانیت، نە فریشتەیێن ئەسمانان و نە ژی كوڕ، لێ ب تنێ باب دزانیت.

چنكو دێ مەسیحێن درەوین و پێغەمبەرێن درەوین دیار بن و دێ نیشانێن مەزن دیار كەن و مەندەهۆشیان كەن، داكو، ئەگەر د شیان دا با، خۆ هەلبژارتیێن خودێ ژی د سەر دا ببەن.

ل دەمێ نوحی كا چەوا بوو، هاتنا كوڕێ مرۆڤ ژی دێ یا وەسا بیت. ل رۆژێن بەری تووفانێ، مرۆڤان دخوار و ڤەدخوار، ژن دئینا و شوی دكر، تا وێ رۆژا نوح چوویە د گەمیێ دا، وان هەست پێ نەدكر هەتا تووفان رابووی و هەمی ژناڤبرین. هاتنا كوڕێ مرۆڤ ژی دێ یا وەسا بیت.