Versets bíblics populars de Yuḥanna 15

Comparteix

Nec ḏ ṯzayarṯ uḍiȓ, kenniw ḏ ikeccuḍen. Wenni itɣiman ḏayi u nec tɣimiɣ ḏayes, ataf netta aḏ yarew izekkunen n uḍiȓ aṭṭas ȓaḥeqqac kenniw bȓa zzayi war ṯzemmarem aḏ teggem walu.

Qqimeṯ ḏayi, nec aḏ qqimeɣ ḏaywem. Amecnaw akeccuḍ nni war izemmar aḏ yarew izekkunen zeg yixef nnes illa meȓa iqqim ḏi ṯzayarṯ, uȓa ḏ kenniw war ṯzemmarem ca illa meȓa ṯeqqimem ḏayi.

Meȓa ṯeqqimem ḏayi ṯeggim zeg wawaȓ inu, ataf min ma ṯettarem aɣarwem yiȓi.

Maci ḏ kenniw iy ḏayi ixḍaren; Lla, ḏ nec iy kenniw ixḍaren. Kellfeɣ-kenniw ḥima aḏ traḥem aḏ tarwem izekkunen, ḥima izekkunen nwem aḏ qqimen i ȓebda. Ammu, aḏawem yuc Baba marra min ḏas ɣa ṯettarem ƹlaḥsab isem inu.

War ḏinni bu ȓemḥibbeṯ ktar zi ṯenni n bnaḏem aḏ iṣeddeq ṯuḏarṯ nnes ƹlaḥsab imeddukaȓ nnes.

Kuȓ akeccuḍ iy d iffɣen zzayi war itirew ca izekkunen n uḍiȓ aṯ iqess Baba. U kuȓ akeccuḍ ig itarwen izekkunen n uḍiȓ aṯ izbar ḥima aḏ d yarni izekkunen nneɣni.

Ȓuṣiyeṯ inu ḏ ṯanita: <Ḥibbeṯ ayawya mammec kenniw tḥibbiɣ nec.>

Aḏ tarwem izekkunen aṭṭas, aḏ tiȓim ḏ imeḥḍaren inu. S manaya itwasemɣar Baba.

"Nec ḏ ṯzayarṯ uḍiȓ ḏ ṣṣaḥ. Baba ḏ bab n ṯzayarṯ uḍiȓ.

Meȓa can yijjen war iqqim ca ḏayi, ataf aḏ imenḍar ɣar barra amecnaw ikeccuḍen yuzɣen, aṯen smunen aṯen ggen ḏi ṯmessi aḏ cemḍen.

Nniɣ-awem manaya ḥima aḏ tiȓi ḏaywem ȓefraḥeṯ inu, ḥima aḏ tiȓi ȓefraḥeṯ nwem ṯƹemmar.

Meȓa ṯxeddmem zi ȓuṣiyaṯ inu, ataf aḏ tiȓim ḏi ȓemḥibbeṯ inu amecnaw mamc ggiɣ nec zi ȓuṣiyaṯ n Baba aqayi ḏi ȓemḥibbeṯ nnes.

Ḏ ṯa ḏ ȓuṣiyeṯ inu, iƹni aḏ tḥibbem ayawya.

Maƹlik kenniw zi ddunect-a, iȓi kenniw ṯƹizzem x ddunect-a. Walakin kenniw war ṯeǧim ca zi ddunect. Nec ixḍareɣ-kenniw zi ddunect-a, s manayenni tƹiffa-kenniw ddunect.