Versets bíblics populars de Mwa 49

Comparteix

Yuta akeethĩawa na ndata ya kĩ-ũsumbĩ; nzyawa syake ikasumbĩkaa ĩvinda yonthe. Mbaĩ ila ingĩ ikamumĩasya koti; ikamwĩw'aa na kũkumana mbee wake imũnenge ndaĩa.

“Yosevu nĩ ta mũsavivũ ũsyaa mũno; mũsavivũ ũsyaa mũno wĩ vakuvĩ na kĩthima kya kĩw'ũ; mbonge syaw'o itambĩĩaa ũkũta. Amaitha make mamũvithũkĩie na vinya; mamũatha na maangi na mamũthĩny'a mũno.

Ĩndĩ nĩwakwatie ũta wake alũmĩtye, moko make nĩmeekĩiwe vinya nĩ Ngai wa Yakovo Ũla wĩ Ũtonyi, eekĩwa vinya nĩ Mũĩthi na Mũsũvĩi wa Ĩsilaeli. Weekĩwa vinya nĩ Ngai wa ĩthe waku ũla nĩwe ũkũtethasya weekĩwa vinya nĩ Ngai Mwene Ũtonyi W'onthe ũla wĩkũathimaa na moathimo ma mbua kuma ĩũlũ, na kĩw'ũ kingĩ kuma ungu wa nthĩ, na akakũathima na indo mbingĩ na syana.

“Yuta, ana-a-ĩthe maku makakũtaĩaa; ũkasindaa amaitha maku; ana-a-ĩthe maku makakumanaa makũnenge ndaĩa. We Yuta ũilyĩ ta mũnyambũ wa mũika, ũla ũkwataa nyamũ ũkoaa na kũsyoka kĩsumonĩ kyaw'o. Ũilyĩ ta mũnyambũ ũla ũtindiaa na ũikoma, na ũyĩthĩa vai mũndũ wĩtĩkĩla kũwũamũkya.

“Lũveni, nue mwana wakwa wa mbee, nue vinya wakwa, mwana ũla nasyaie mbee natw'ĩka mũndũ mũima, mwana ũla mũtaĩe mũno na wĩ vinya kwĩ ana ala angĩ makwa. Ũilyĩ ta kĩw'ũ kĩna itulumo, ndũkethĩwa wĩ na nguma mbee wa ana-a-ĩthe maku, nũndũ nĩwamanyanie kĩ-mwĩĩ na mũthũkũmi wakwa mũndũ mũka, na wavukya ũkomo wakwa nyie ĩthe waku.