Versets bíblics populars de Mwa 17

Comparteix

Yĩla Avalamu wavikisye ũkũũ wa myaka mĩongo kenda na kenda, Mwĩai Ngai nĩwamumĩlĩĩle na amwĩa atĩĩ, “Ninyie Ngai Mwene Ũtonyi W'onthe. Ĩkalaa wĩna kĩkĩo kyakwa na ũyĩkaa ũla waĩlu.

Ndũkambĩla kwĩtwa Avalamu ĩndĩ ũkeetawa Avalaamu nũndũ nĩnakũtw'ĩkĩthya ĩthe wa mbaĩ mbingĩ sya andũ.

“Ngeanĩasya ũtianĩo wakwa naku na nzyawa syaku ĩvinda yonthe yĩla yũkĩte ta ũtianĩo wa tene na tene. Ngeethĩawa Ngai waku na Ngai wa nzyawa syaku.

“Nĩngũseũvya ũtianĩo ũũ wakwa naku: Ũkeethĩwa ĩthe wa mbaĩ mbingĩ sya andũ.

Nĩvo ĩndĩ Ngai wamwĩie atĩĩ, “Ĩĩ now'o, ĩndĩ mũka waku Sala akakũsyaĩa kavĩsĩ, naku ũkaketa Isaka Ngalũlũmĩĩlya ũtianĩo wakwa nake ta ũtianĩo wa tene na tene kwondũ wa nzyawa syake ila ikoka ĩtina wake.

Ngakũnenga we na nzyawa syaku nthĩ ĩno wĩkalaa ta mũeni. Nthĩ yonthe ya Kanaani ĩkeethĩwa ya nzyawa syaku tene na tene nakwa ngeethĩwa Ngai woo.”

Avalaamu nĩwakumanie ĩngĩ atina nthĩ na ũthyũ na ambĩĩa kũtheka yĩla wasũanĩie ayĩkũlya, “Mũndũ wĩ na myaka ĩana nũtonya kũkwata kana? Sala e na myaka mĩongo kenda nũtonya kũsyaa?”

Ngai nĩwaneenie na Avalaamu ĩngĩ amwĩa atĩĩ, “Ndũkambĩle kwĩta mũka waku Salai, ĩndĩ mwĩtae Sala.

No nginya mwaĩkwe, na ũu ũkeethĩawa wonany'o wa ũtianĩo katĩ wakwa nenyu.

Ĩndĩ ngalũlũmĩĩlya ũtianĩo wakwa na Isaka, mwana ũla Sala wĩkũsyaĩa mwaka ũla wũkĩte ĩvindanĩ ta yĩĩ.”

Ĩvindanĩ yonthe yĩla yũkĩte kĩla kana ka kavĩsĩ ke na ũkũũ wa mĩthenya nyanya no nginya kaĩkwe. Syana ila syaĩlĩte kwaĩkwa nĩ vamwe na ila isyaĩwe mĩsyĩnĩ kwenyu kana ila mũthooete na mbesa kuma kwa aeni ala mũte ũndũ mũileny'e namo. Kwoou syana isu syonthe no nginya syaĩkwe na ũndũ ũsu ũkeethĩawa ũvano wĩ mĩĩnĩ yenyu wa kwonany'a kana ũtianĩo wakwa nenyu nĩ wa tene na tene.