Versets bíblics populars de ABARUMI 6

Comparteix

Naki eng’eria y’ebibe namakweri, korende ekeegwa kia Nyasae nobogima bwa kare na kare ase Kristo Yeso, Omonene oito.

Naki ebibe tibikobagambera inwe, ekiagera timori inse y’amachiko korende inse y’amabera.

Naboigo twatindegetwe amo nere ase enchera y’ebatiso ase amakweri, erinde buna Kristo abogetigwe korwa ase abakure ase obonene bwa Ise, naboigo naintwe, totaare ase obogima oboyia.

Timobaisa korua ebiimo biaino bikore ebibe buna ebikorero bi’obobe, korende mwerue abanyene ase Nyasae buna abanto barusetigwe korwa ase ogokwa na babekirwe ase obogima, na ebiimo biaino ase Nyasae bibe ebikorero bi’oboronge.

Twamanyire ng’a obomwanyabanto bwaito bwa kare nigo bwabambetwe amo nere, erinde omobere bw’ebibe osirigwe, titoba abasomba b’ebibe naende.

Naboigo nainwe mwebare ng’a mwabeire abakure ase ebibe, korende mwabeire moyo ase Nyasae ime ase Kristo Yeso.

Ninki rende toratebe? Togenderere ase ebibe, erinde amabera amenteke abe amange kobua? Yaya, taibo! Intwe abatwakure korwa ase ebibe, naki toranyare komenya ase ebibe naende?

Timomanyeti ng’a onye mwerure ase omonto onde koba abasomba baye na komoigwera, nigo more abasomba baye ere oria moigwerete, onye nobosomba bw’ebibe obokoraa gochia ase amakweri, gose obosomba bw’okoigwera obokoraa gochia ase oboronge?

Korende Nyasae aakerwe ng’a mbuya mono, ekiagera inwe, abamwarenge abasomba b’ebibe, mwabeire abaigweri ase chinkoro chiaino ase okworokereria koria mwaetwe, na ekero mwasiboretwe korwa ase ebibe mogakorwa koba abasomba b’oboronge.