Versets bíblics populars de ABARUMI 14

Comparteix

Naki oboruoti bwa Nyasae tari okoria na okonywa, korende oboronge, na omorembe, na omogoko bikorwa ase Omoika Omochenu. Ere oyogokorera Kristo ase amang’ana aya onsi nigo akogwenera Nyasae, naende nigo agwancherwa na mwanyabanto.

Naki onye tore moyo, nigo tore moyo ase Omonene; gose gatorakwe, nigo torakwe ase Omonene. Naboigo, onye tore moyo, gose gatorakwe, nigo tore ab’Omonene.

Ase igo, tiga torigie chingencho chi’omorembe ne chingencho chigwenerete ase okoagachana.

Ase ayio, titoba nkona‐kogambania tore, korende anga mbuya kobua togambe ng’a onde tabekera oyomwabo egento gekomogocha gose gekomotanga.

Naki nerikire, “Omonene otebire: Amaene buna inde moyo, kera riru naribekwe inse ase obosio bwane, na kera oromeme naromobere Nyasae kirori.” Ase igo, kera omonto ore ase egati yaito nache gwekwanera ere omonyene ase obosio bwa Nyasae.

Moroisie ere oyotari na nguru ase okwegena, motari koamererania.

Aye naye ng’o okogambia omosomba bw’omonto onde? Ase omonene oye omonyene nigo ateneine gose nigo akogwa. Ee, natenene, ekiagera Omonene nere ore nokobua gw’okomotenenia.