Versets bíblics populars de ABAFILIPI 2

Comparteix

Timokora ing’ana rinde rionsi ase okwegwenera na ase okweenenia, korende ase oboitongo kera omonto abare abande ng’a nabaya kobua ere omonyene. Kera omonto tarigereria ebinto biaye omonyene, korende arigererie ebinto bi’abande.

Naki mobe nebirengererio ebio ebio ime yaino buna ebio biarenge ime ya Kristo Yeso.

Ere omochakano nigo arenge oyomo na Nyasae, na tabarete ng’a okoba koreng’ana buna Nyasae negento gi’okobwaterera, korende agekora buna tarenge nobonene, akaimokia ekieni ki’omosomba, akaba omogwekano o mwanyabanto. Naende agachia kororekana ore buna mwanyabanto omonyene, agekeyia, akaba omoigweri goika ogokwa, na korokwo nogokwa igoro ase omosalaba.

ekiagera Nyasae nere ogokora emeremo ime yaino ase okorigia, naende ase ogokora ogwancha kwaye okuya.

Ase ayio Nyasae akamoimokereria igoro mono, akamoa erieta riria ribuete amarieta onsi, erinde ase erieta ria Yeso kera riru riringwe, ri’abwo bare igoro, na ase ense, na inse y’ense, na kera oromeme narobe kirori ng’a Yeso Kristo n’Omonene, ase obonene bwa Nyasae Tata.

Mokore amang’ana onsi motari nokwemurungania na okoborania, erinde monyare koba abatari na komocha, abachenu, abana ba Nyasae, motari na bobe egati y’ekegori eke ekebe kere bogeka. Ase egati y’abwo mobare buna emebaso ase ense.

Ase ayio, abanchwa baane, buna moigwerete botambe, tari ekero indeo rioka, korende kobua mono ekero ntaiyo, korera ogotooreka kwaino abanyene ase okwoboa na okoiguswa