Versets bíblics populars de ABAFESO 6

Comparteix

Naki okoamererania gwaito tikori ase abare namanyinga ne chinyama, korende igoro y’abagambi na abare nokobua, igoro y’abanene b’omosunte bw’ense eye, na igoro y’emeganda y’ebirecha ebibe bire igoro.

Mosabe botambe ase Omoika ase ogosaba gwonsi na ase okoboria kw’ogosorora, na gotagesia ase kera ring’ana. Mogenderere gosabera abachenu bonsi.

Eboyie ebirwanero bionsi bia Nyasae, erinde monyare gotenena korwania obong’ainereria bwa Saitani.

Ase ayio, bogoria ebirwanero bionsi bia Nyasae, erinde monyare koamererania ase rituko ri’obobe, na komwaikeranirie onsi, motenene.

Kobua onsi bogoria enguba y’okwegena, ase eyio namonyare korimia emegwe yonsi y’omorero y’oria omobe. Naende bogoria ekegogwa gi’ekioma ki’ogotooreka, na omoro bw’Omoika, noro ring’ana ria Nyasae.

Tenena gaki, mweboyie ebinema biaino nekeene, na kobeka oboronge buna engobo y’ekioma ase ebikuba biaino, na gosiberwa amagoro aino engencho y’okoba ang’e eyio twanyorire ase enchili y’omorembe.

Omoerio, motenene bokong’u ase Omonene, na ase chinguru chi’okobua kwaye.

“Sika iso na nyoko” (ogochika oko nakwo ogochika kwe ritang’ani kore neira), “erinde ebe buya asore, nario oramenye amatuko amange ase ense.”

Inwe abana, moigwere abaibori baino ase Omonene, ekiagera obo nabwo oboronge.