Versets bíblics populars de ABAFESO 4

Comparteix

Mobe nobwororo inwe ase inwe, mororerane amabeebe, na kwaberana inwe ase inwe, buna Nyasae ase Kristo abaaberete inwe.

ase obokanyeku bwonsi na obwororo, na ase oboremereria mokobogorerania ase obwanchani.

Ogokwana okobe tikorua ase emenwa yaino, korende okore okuya na okoranyare kobaa obuya abwo bagokoigwa na koagacha abaganeirie koagachwa.

Obororo bwonsi, na endamwamu, na okobea, na eriomana, na emerumi birusigwe asemore, amo nobobe bwonsi.

Mobee, korende timokora ebibe; erioba tirigwa na inwe more nendamwamu, gose timoa Saitani ribaga.

Rusia chingencho chiaino chie ritang’ani chi’obomwanyabanto bwa kare, obwasarigwe ase okobwatia okogania kw’obong’ainereria; mokorwe abayia ase emeika na ebirengererio biaino, mweboyie omonto omoyia, oyotongetwe ase omogwekano o Nyasae ase oboronge na obochenu bw’ekeene.

Mokore omokia konyora obomo bw’Omoika ase egesibo ki’omorembe.

Ere akarua abande babe abatomwa, na abande ababani, na abande abarandia, na abande abarisia, na abande aborokia. Agakora bo ase ogoikerania abachenu ase emeremo y’obosomba, goika omobere o Kristo oagachwe. Nabo goika intwe twensi tonyare goikera obomo bw’okwegena, na komanya mono Omwana o Nyasae, na koba omonto omoikeranu, goika ekerengo ki’ogokina kw’ogoichorwa gwa Kristo

erinde titoba naende abana ebing’werere, bagotugutwa aaria na aaria, na koirwa ase kera embeo y’okworokereria, ase obong’ainereria bw’abanto, ekero bakobang’aina kobwatia chinchera chi’okobasiria. Korende tokwane ekeene ase obwanchani, tokine goika toikere Kristo ase chinchera chionsi; nere ore omotwe.