Versets bíblics populars de ABAKOLASAI 2

Comparteix

Ase ayio, buna mwamonyorire Kristo Yeso Omonene, naboigo mogenderere asare, mwabeire nemeri na mwaagachirwe asare, mwakong’igwe ase okwegena buna mworokereretigwe, momenteke ase okoiraneria ng’a mbuya mono.

Rigereria monto onde tabaisa kobakora abasakore ase chisemi chiaye chinene, na obong’ainereria bwa bosa koreng’ana ne chingencho chia mwanyabanto, na koreng’ana namorokererio aye ritang’ani ay’ense eye, gose tari buna aya Kristo.

Na inwe abamwarenge mokwete ase ogosaria kwaino na ase ogotaroka kw’emebere yaino, Nyasae akabakora koba moyo amo nere, gaikire kobaabera ogosaria gwonsi. Ere agatinyia ririko riria riarigetwe ase amachiko, riare gotosoera, eriarenge nobobisa asetore; akaritigeria ensemo, akariakerania ase omosalaba.

Naki ime yaye nao oboikeranu bwonsi bw’obonyasae bomenyete ase ekieni ki’omobere. Na inwe mwaikeranigwe ime yaye, ere oyore omotwe bw’abagambi na obwa bonsi abare nokobua.

Ase ayio, monto onde tabagambia inwe ase engencho y’ebimokoria gose ebimokonywa, gose ase engencho ye Rituko Rinene, gose okooroka kw’omotienyi, gose Esabato. Amang’ana ayio nekiriri ki’amang’ana agochi‐gocha, korende omoikerania omonyene n’Kristo.