Versets bíblics populars de मरकुस 4

Comparteix

तैखन यीशुए उठतां तूफान डांटो, त समुन्दरे सेइं ज़ोवं, “शान्त रा, रुकी गा!” अकदम तूफान रुकी जेव त समुन्दर शान्त भोव। तैखन यीशुए अपने चेलन सेइं ज़ोवं, “तुस किजो डरतथ? कुन तुसन हेजू भी मीं पुड़ विश्वास नईं?”

पन तैना बड़े डेरि जे त एप्पू मांमेइं ज़ोने लग्गे, “ऐह मैन्हु कौन आहे कि तूफान त समुन्दर भी एसेरो हुक्म मनतन!”

पन यीशु किश्तरे पेत्री पासे, शिरहाने पुड़ क्रोड़ी रेखतां झ़ुल्‍लोरो थियो। तैखन तैसेरे चेलेईं तै बींझ़ेइतां तैस सेइं ज़ोवं, “हे गुरू, कुन तीं फिक्र नईं, अस त मरने बालेम!”

तैल्‍ला पत्ती, यीशुए मैन्हु केरि भीड़ी सेइं ज़ोवं, “होशियार राथ कि अवं तुसन कुन शिक्षा देइ राओरोईं। मेरी शिक्षाई शुन्तां, ज़ेत्री तुस मेरी गल मन्नेले तेत्री परमेशर तुसन समझ़ देलो। हाँ, परमेशर तुश्शी समझ़ होरि भी बधालो।

तैल्‍ला पत्ती, यीशुए मैन्हु केरि भीड़ी सेइं ज़ोवं, “परमेशरेरू राज़ एरू ज़ेरू आहे, कि अक मैन्हु ज़मीनी पुड़ बीज़ बेते। तै मैन्हु हर राती झ़ुलते त दीसां बींझ़ते। तैन बीज़ उगने लगोरूए त बेडोने लगोरूए, पन तैस पतो न च़ले कि तैन केन्च़रां भोते।

ज़ै कोई समझ़नू चाते, तै ध्याने सेइं शुने त समझ़े!”