Versets bíblics populars de मरकुस 13

Comparteix

मीं पुड़ विश्वास केरनेरे वजाई सेइं सारे लोक तुसन सेइं नफरत केरले, पन ज़ै मरने तगर विश्वासे मां बनोरो रालो, तैस परमेशर मुक्ति देलो।

एल्हेरेलेइ, मेरे वापस एजनेरे लेई हमेशा तियार राथ, ते प्राथना केरते राथ, किजोकि तुस न ज़ानथ कि तै वक्त कताली एज्जेलो।

ज़ैखन लोक तुसन नेइतां आदालतां केरे हवाले केरले, त पेइले फिक्र न केरथ त न सोचथ कि अस कुन ज़ोमेले, पन ज़ैन किछ परमेशर तुसन तैस घड़ी ज़ोनेरे लेई ज़ोवं गालू, तैन्ने ज़ोइयथ। किजोकि ज़ोनेबाले तुस नईं, पन पवित्र आत्मा तुश्शे ज़िरिये ज़ोलो।

अम्बर त कने धरती टेली गाली, पन मेरी गल्‍लां कधी न टेलेली।”

तैल्‍ला पत्ती, यीशुए तैन सेइं ज़ोवं, “मेरे वापस एजनेरे दिहाड़ेरे बारे मां, या तैस वक्तेरे बारे मां कोई भी न ज़ाने कि तै कताली भोल्हो, सुर्गेरे स्वर्गदूते भी न ज़ानन त परमेशरेरू मट्ठू यानी अवं भी न ज़ैनी, पन सिर्फ मेरो बाजी परमेशर ज़ानते।

ज़ैखन तुस लड़ाई ते कने लड़ाइयां केरि अफवाह शुनेले, त तुस घबरेइयथ न, किजोकि लड़ाइयां केरू भोनू ज़रूरी आहे, पन एस दुनियारो अन्त अकदम न भोल्हो।

“एसेरे ज़ेरे, तुस भी हमेशा मेरे वापस एजनेरे लेई तियार राथ, किजोकि तुस न ज़ानथ कि घरेरो मालिक यानी अवं कताली वापस एज्जेलो। शायद ड्लवझ़ी या एध्धी राती या कुकड़ेरे बांग देनेरे मौके या झ़ेज़्झ़ां। एल्हेरेलेइ तियार राथ! एरू न भोए कि अवं अचानक एइतां लेईं कि तुस तियार नईं। ज़ैन अवं तुसन सेइं ज़ोताईं, तैन्ने सारे मैन्हन सेइं भी ज़ोताईं कि, ‘हमेशा तियार राथ!’”

किजोकि एक्‍की ज़ातरे लोक होरि कौमरे लोकां केरे खलाफ लड़ाई केरले, त अक मुल्ख होरि मुल्खेरे खलाफ लड़ाई केरेलो। हर ठैरी भुंज़ल एज्जेले, त काल पेलो। एन सब त सिर्फ मुसीबतां केरि शुरुआत आहे।

पन इस युगेरो अन्त भोनेरे पेइले एरू भोनू ज़रूरी आहे कि परमेशरेरे राज़्ज़ेरे बारे मां खुशखबरी सैरी कौमां केरे लोकन शुनेई गाए।”

किजोकि बड़े मैन्हु मेरे नंव्वे सेइं एइतां ज़ोले कि, ‘अवं मसीह आईं।’ ते तैना बड़े मैन्हु धोखो देले।

“पन तुस अपने बारे मां खबरदार राथ, किजोकि लोक तुसन सभां केरे हवाले केरले, प्राथना घरन मां नेइतां मडेले, त तुस मेरे वजाई सेइं गवर्नरन ते कने राज़न कां खड़े किये गाले, ताके तुस तैन केरे सामने मेरे गवाह भोथ।

किजोकि झूठे मसीह ते कने झूठे नबी एज्जेले। तैना लोकन धोखो देनेरे लेई निशान ते कने चमत्कारेरां कम्मां हिराले, कि अगर भोइ सके, त तैना परमेशरेरे च़ुनोरे लोकन भी धोखो देले।

तैल्‍ला पत्ती, यीशुए तैन सेइं ज़ोवं, “तैन दिहाड़न मां, तैस मुसीबतरे वक्तेरे पत्ती, ‘दिहाड़ो कालो भोइ गालो, त चाँदनी लौ न देली, त अम्बरेरां तारे बिछ़ड़ने लग्गेले, त अम्बरेरी सैरी शेक्ति हिल्‍लेली।’”