Versets bíblics populars de मरकुस 11

Comparteix

एल्हेरेलेइ अवं तुसन सेइं ज़ोताईं कि, ज़ैखन तुस प्राथना केरतां परमेशरे करां ज़ैन भी मगेले, त विश्वास केरा कि तुसन तैन ज़रूर मैल्ही गालू, तैखन परमेशरे करां तैन तुसन दित्तू गालू।

अवं तुसन सेइं सच़ ज़ोताईं कि ज़ै कोई एस पहाड़े सेइं ज़ोए, ‘तू उखड़तां समुन्दरे मां बिछ़ड़ी गा,’ त एन्च़रां ज़ोइतां अपने दिले मां शक न केरे, पन विश्वास केरे कि ‘ज़ैन अवं ज़ोताईं तैन भोइ गालू,’ त तैसेरेलेइ तैन्ने भोल्हु।

ते ज़ैखन कधी तुस खड़े भोइतां परमेशरे कां प्राथना केरतथ, त अगर तुसन केन्ची सेइं गिलो भोए, त पेइले तुस तैस माफ़ केरा, ताके तुश्शो सुर्गेरो बाजी भी तुश्शे पाप माफ़ केरे।

यीशुए अपने चेलन जुवाब दित्तो, “तुस परमेशरे पुड़ विश्वास रखा।

तैखन यीशुए तैन लोकन शिक्षा देइतां ज़ोवं, “परमेशरेरी किताबी मां एस मन्दरेरे बारे मां एन लिखेरूए कि परमेशरे ज़ोवं, मेरू मन्दर सैरी कौमां केरे लोकां केरे लेई प्राथनारू घर भोल्हु! पन तुसेईं लोकेईं इन मन्दर डैकू केरो अड्डो बनोरोए।”

ज़ैना यीशुएरे अग्री-अग्री त कने पत्ती-पत्ती च़लने लग्गोरे थिये, तैना खुशी सेइं ज़ोरे सेइं ज़ोने लग्गे, “होशाना! (परमेशरेरी तारीफ़ भोए) परमेशर तैस बरकत दे, ज़ै प्रभु-परमेशरेरे अधिकारे सेइं साथी एज्जी राओरोए!”

“परमेशर तीं आशिर्वाद दे, ज़ैखन तू इश्शे पड़दादे दाऊदेरू राज़ेरू ज़ेरू राज़ केरस! परमेशरेरी होशाना (तारीफ़) भोए, ज़ै उच्‍चे सुर्गे मां आहे!”