Versets bíblics populars de नीतिवचन 6

Comparteix

छः बात्तां तै यहोवा बैर राक्खै सै। बल्के सात सै, जिनतै उसनै नफरत सै; मतलब घमण्ड तै चढ़ी होड़ आँख, झूठ बोलण आळी जीभ, अर निर्दोष का खून बहाण आळे हाथ, अनर्थ कल्पना गढ़ण आळा मन, बुराई करण ताहीं तेज्जी तै दौड़ण आळे पैर, झूठ बोलण आळा गवाह अर सगे भाईयाँ कै बीच झगड़ा करवाण आळा माणस।

हे आलसी, कीड़ियाँ धोरै जा; उनकै काम पै ध्यान दे, अर अकलमंद हो।

थोड़ी सी नींद, एक और झपकी, थोड़ी देर और छात्ती पै हाथ धरे लेट्या रहणा, तब तेरा कंगालपण राह के लुटेरयां कै जिसा अर तेरा घाट्टा हथियाबन्द कै जिसा आण पड़ैगा।

हे मेरे बेट्टे, अपणे पिता के हुकम नै मान, अर अपणी माँ की शिक्षा नै ना छोड़। उननै अपणे मन म्ह सदा गाँठ बाँधे राख; अर अपणे गळे का हार बणाले।