Versets bíblics populars de नीतिवचन 2

Comparteix

क्यूँके बुद्धि यहोवा ए देवै सै, ज्ञान अर समझ की बात उस्से कै मुँह तै लिकड़ै सै।

हे मेरे बेट्टे, जै तू मेरे वचनां नै मान्‍नै, अर मेरे हुकमां नै अपणे मन म्ह धरे राक्खै, अर बुद्धि की बात ध्यान तै सुणै, अर समझ की बात मन लगाकै सोच्‍चै; जै तू माहिर अर समझ खात्तर घणे जतन तै पुकारै, अर उसनै चाँदी की ढाळ टोहवै, अर गुप्त धन की तरियां उसकी टोह म्ह लाग्या रहवै; तो तू यहोवा के भय नै समझैगा, अर परमेसवर का ज्ञान तन्‍नै मिलैगा।

वो सीध्धे माणसां खात्तर खरी बुद्धि धरे राक्खै सै; जो खराई तै चाल्‍लै सै, उनकै खात्तर वो ढाल बणै सै। वो न्याय के राह की देख-भाल करै, अर अपणे भगतां के राह की हिफाजत करै सै।

क्यूँके धर्मी लोग देश म्ह बसे रहवैंगे, अर खरे माणस ए उस म्ह बणे रहवैंगे। दुष्ट माणस देश म्ह तै खतम होवैंगे, अर धोक्खेबाज उस म्ह तै उखाड़े जावैंगे।

बुद्धि अर विवेक तन्‍नै पराई बीर तै भी बचावैंगे जो चिकणी-चुपड़ी बात करै सै, अर अपणी जवान्‍नी कै साथी नै छोड़ देवै, अर जो अपणे परमेसवर के करार नै भूल जावै सै।