Versets bíblics populars de यहो. 7

Comparteix

इस्राएलियाँ नै पाप करया सै; अर जो करार मन्‍नै उनतै अपणे साथ करया था उस ताहीं उननै तोड़ दिया सै, उननै चढ़ाई होई चिज्जां म्ह तै ले लिया, बलके चोरी भी करी, अर छळ करकै उस ताहीं अपणे सामान म्ह धर लिया सै।

उठ, प्रजा के माणसां नै पवित्र कर, उनतै कह; ‘सबेरै ताहीं अपणे-आपनै पवित्र करो; क्यूँके इस्राएल का परमेसवर यहोवा न्यू कहवै सै, “हे इस्राएल, तेरे बीच म्ह चढ़ाई होई चीज सै; ज्यांतै जिब तक तू चढ़ाई होई चिज्जां नै अपणे बीच म्ह तै दूर ना करै जिब ताहीं तू अपणे बैरियाँ कै स्याम्ही खड्या न्ही रह सकैगा।”

इस कारण इस्राएली अपणे बैरियाँ के स्याम्ही खड़े न्ही रह सकदे; वे अपणे बैरियाँ नै पीठ दिखावै सैं, ज्यांतै के वे आप चढ़ाई होई चीज बणगे सैं। अर जै थम अपणे बीच म्ह तै चढ़ाई होई चिज्जां नै सत्यानाश न्ही कर देगें, जिब ताहीं मै थारै गैल न्ही रहूँगा।