Versets bíblics populars de यहो. 23

Comparteix

“सुणो, इब दुनिया के और माणसां की तरियां मेरा भी दुनिया तै जाण का बखत आ लिया सै, अर थम सब अपणे-अपणे दिल अर मन म्ह जाणो सो, के जितनी भलाई की बात म्हारे परमेसवर यहोवा नै म्हारे बारै म्ह कही उन म्ह तै एक भी बिना पूरी होए न्ही रही; वे सारी की सारी थारै पै घटी सैं, उन म्ह तै एक भी बिना पूरी होए न्ही रही।

ज्यांतै अपणे परमेसवर यहोवा तै प्रेम राक्खण की पूरी चौकसी करिये।

थारे म्ह तै एक माणस हजार माणसां नै भगावैगा, क्यूँके थारा परमेसवर यहोवा अपणे वचन कै मुताबिक थारी और तै लड़ै सै।

पर जिसा आज कै दिन ताहीं थम अपणे परमेसवर यहोवा की भगति म्ह मगन रहो सो, उसाए रह्या करियो।

ज्यांतै घणा हियाव बाँधकै, जो कुछ मूसा की नियम-कायदा की किताब म्ह लिख्या सै उसके पूरा करण म्ह चौकसी करियो, उसतै आस्सै-पास्सै न्ही मुड़णा।