Versets bíblics populars de यहो. 10

Comparteix

अर सूरज उस बखत ताहीं थम्या रह्या; अर चाँद उस बखत ताहीं ठहरया रह्या, जिब तक उस जात के माणसां नै अपणे बैरियाँ तै बदला ना लिया। के या बात याशार नाम की किताब म्ह न्ही लिक्खी सै के सूरज अकासमण्डल कै बीचो बीच ठहरया रह्या, अर लगभग च्यार पैहर ताहीं न्ही डूब्या?

उस बखत, यानिके जिस दिन यहोवा नै एमोरियां ताहीं इस्राएलियाँ कै वश म्ह कर दिया, उस दिन यहोशू नै यहोवा तै इस्राएलियाँ के देखदे इस तरियां कह्या, “हे सूरज, तू गिबोन पै, अर हे चाँद, तू अय्यालोन की तराई कै उप्पर थम्या रहो।”

ना तो उसतै पैहल्या कदे कोए इसा दिन होया अर ना उसकै बाद, जिस म्ह यहोवा नै किसे माणस की सुणी हो; क्यूँके यहोवा तो इस्राएल की और तै लड़ै था।

अर यहोवा नै यहोशू तै कह्या, “उनतै ना डरै, क्यूँके मन्‍नै उन ताहीं तेरे हाथ म्ह कर दिया सै; उन म्ह तै एक माणस भी तेरै स्याम्ही टिक न्ही सकैगा।”

फेर यहोशू नै उनतै कह्या, “ना डरो, अर ना थारा मन कच्‍चा हो; हिम्मत करकै मजबूत हो; क्यूँके यहोवा थारे सब दुश्मनां तै जिनतै थम लड़णआळे सो इसाए करैगा।”