Versets bíblics populars de न्यायियों 7

Comparteix

फेर यहोवा नै गिदोन तै कह्या, “जो माणस तेरे गैल सैं वे इतणे सैं के मै मिद्यानियाँ नै उनके हाथ न्ही कर सकदा, न्ही तो इस्राएल न्यू कहकै मेरे बिरुध्द अपणी बड़ाई मारण लागैंगे, के हम अपणे ए भुजबल के जरिये बचे सां।

फेर यहोवा नै गिदोन तै कह्या, “इन तीन सौ चपड़-चपड़ करकै पीण आळयां के जरिये मै थारै ताहीं छुड़ाऊँगा, अर मिद्यानियाँ नै तेरे हाथ म्ह कर दियुँगा; अर दुसरे माणस अपणे-अपणे जगहां म्ह लौट जावै।”

ज्यांतै तू जाकै माणसां म्ह यो प्रचार करकै सुणा दे, ‘जो कोए डर के मारे थरथरान्दा हो, वो गिलाद पहाड़ तै लौट कै चल्या जावै।’” फेर बाईस हजार माणस बोहड़ गए, अर सिर्फ दस हजार रह गए।

फेर यहोवा नै गिदोन तै कह्या, “इब भी माणस घणे सैं; उननै चोए कै धोरै नीच्‍चै ले चाल, ओड़ै मै उननै तेरे खात्तर परखूँगा; अर जिस-जिसकै बारै म्ह मै तेरै तै कहूँ, ‘यो तेरे गैल चाल्‍लै,’ वो तो तेरे गैल चाल्‍लै; अर जिस जिसके बारै म्ह मै कहूँ, ‘यो तेरे गैल ना जावै,’ वो ना जावै।”

फेर वो उन ताहीं चोवै के धोरै नीच्‍चै लेग्या; ओड़ै यहोवा नै गिदोन तै कह्या, “जितने कुत्ते की तरियां जीभ तै पाणी चपड़-चपड़ करकै पीवैं उननै न्यारा राख; अर उननै न्यारा राख जो घुटने टेककै पीवैं।” जिन ताहीं मुँह म्ह हाथ लगाकै चपड़-चपड़ करकै पाणी पिया उनकी तो गिणती तीन सौ ठैहरी; अर बाकी सारे माणसां नै घुटने टेककै पाणी पिया।