Versets bíblics populars de न्यायियों 16

Comparteix

फेर उसनै कह्या, “हे शिमशोन, पलिश्तियाँ के सरदार तेरी घात म्ह सैं!” फेर वो चौंककै सोच्‍चण लाग्या, “मै पैहले की तरियां बाहर जाकै झटकूँगा।” वो तो ना जाणै था, के यहोवा उसके गैल तै चल्या गया सै।

फेर शिमशोन नै यो कहकै यहोवा की दुहाई दी, “हे प्रभु यहोवा, मेरी सुधि ले; हे परमेसवर, इब की बार मन्‍नै बल दे, के मै पलिश्तियाँ तै अपणी दोन्‍नु आँखां का एके बदला लूँ।”

फेर उसनै अपणे मन का सारा भेद खोलकै उसतै कह्या, “मेरे सिर पै छुरा कदे भी न्ही फिरया, क्यूँके मै माँ के पेट ए तै परमेसवर का नाज़ीर सूं, जै मै मुँण्डयां जाऊँ, तो मेरी ताकत इतणी घट जावैगी, के मै साधारण माणस सा हो जाऊँगा।”

इस तरियां जिब उसनै हर दिन बात करदे-करदे उस ताहीं तंग करया, अर उरै ताहीं जिद करी, के उसकी नाक्‍कां म्ह दम आ ग्या

अर शिमशोन नै कह्या, “पलिश्तियाँ कै गैल मेरा प्राण भी जावै।” अर वो अपणा सारा जोर लगाकै झुक्या; फेर वा घर सारे सरदारां अर उस म्ह के सारे माणसां पै गिर पड़या। इस तरियां जिन ताहीं उसनै मरदे बखत मार गेरया वे उनतै भी घणे थे जिन ताहीं उसनै अपणी जिन्दगी भर म्ह मार गेरया था।