Versets bíblics populars de उत्पत्ति 3

Comparteix

जनान्‍नी नै देख्या के उस दरखत का फळ खाण म्ह आच्छा, अर देखण म्ह मनोहर, अर बुद्धि देण कै खात्तर चाहण लायक भी सै, फेर उसनै उस म्ह तै तोड़कै कुछ खाया; अर कुछ अपणे पति तै भी दिया, जो उसकै गेल्या था दोनुआ नै मिलकै खाया।

यहोवा परमेसवर नै जितने जंगळी-पशु बणाए थे, उन सारया म्ह तै साँप मक्‍कार था, अर उसनै जनान्‍नी तै पूच्छया, “के सच म्ह ए परमेसवर नै कह्या सै, ‘के थम इस बाग के किसे दरखत का फळ ना खाईयों’?”

अर मै तेरै अर इस जनान्‍नी कै बीच म्ह, अर तेरै वंश अर इसकै वंश कै बीच म्ह बैर पैदा करुँगा, अर वो तेरे सिर नै कुचळ देगा, अर तू उसकी एड्डी नै डसैगा।”

फेर जनान्‍नी तै उसनै कह्या, “मै तेरी पीड़ा अर गर्भवती होण के दुख नै और घणा बढ़ाऊँगा अर तू दुख म्ह बाळक नै जन्म देवैगी; अर तेरी लालसा तेरे पति की ओड़ होवैगी, अर वो तेरे पै राज करैगा।”

अर अपणे माथे के पसीन्‍ने की रोट्टी खाया करैगा, अर अन्त म्ह माट्टी म्ह मिल जावैगा; क्यूँके तू उस्से म्ह तै बण्या सै, तू माट्टी ए तो सै अर माट्टी म्ह ए दुबारै मिल जावैगा।”

अर आदम तै उसनै कह्या, “तन्‍नै जो अपणी घरआळी की बात सुणकै, जिस पेड़ के फळ कै बाबत मन्‍नै तेरे ताहीं ना खाण का हुकम दिया था, तन्‍नै खाया सै, ज्यांतै धरती तेरे कारण श्रापित सै। इस करकै तू उसकी पैदावार जिन्दगी भर दुख कै गैल खाया करैगा

यहोवा परमेसवर नै पूच्छया, “किसनै तेरे ताहीं बताया के तू नंगा सै? जिस दरखत का फळ खाण खात्तर मन्‍नै तेरे ताहीं मना करया था, के तन्‍नै उसका फळ खाया सै?”

आदम ताहीं उसनै लिकाड़ दिया अर जीवन कै दरखत की राह का पैहरा देण कै खात्तर अदन के बाग के पूरब की ओड़ करूबां ताहीं, अर चौगरदे घूमणआळी अग्निमय तलवार ताहीं भी ठहरा दिया।

आदम नै अपणी घरआळी का नाम हव्वा धरया; क्यूँके जितने माणस जिन्दा सैं उन सारया की मूलमाता वाए होई।