Versets bíblics populars de यहेजकेल 33

Comparteix

इस करकै तू उनतै न्यू कह, परमेसवर यहोवा की या वाणी सै: मेरे जीवन की कसम, मै दुष्ट के मरण तै किमे भी खुश न्ही होन्दा, पर इसतै के दुष्ट अपणे राह तै मुड़कै जिन्दा रहवै; हे इस्राएल के घरान्‍ने, थारे अपणे-अपणे बुरे राह तै मुड़ जाओ; थम क्यूँ मरो?

“इस करकै, हे माणस की सन्तान, मन्‍नै तेरे ताहीं इस्राएल के घरान्‍ने का पहरेदार ठहरा दिया सै; तू मेरे मुँह तै वचन सुण-सुणकै उननै मेरी ओड़ तै चिता दे।

पर जै तू दुष्ट नै उसके राह के बारे म्ह चितावै के वो अपणे राह तै मुड़ै अर वो अपणे राह तै ना मुड़ै, तो वो तो अपणे अधर्म म्ह फँस्या होया मरैगा, पर तू अपणी जान बचा लेवैगा।”

पर जै पहरेदार यो देखण पै के तलवार चाल्‍लण आळी सै नरसिंगा फूँक कै माणसां नै ना चितावै, अर तलवार के चाल्‍लण तै उन म्ह तै कोए मर जावै, तो वो तो अपणे अधर्म म्ह फँस्या होया मर जावैगा, पर उसके खून का लेखा मै पहरेदार ए तै ल्यूँगा।”

उसनै नरसिंगे का शब्द सुण्या, पर चौकन्‍ना न्ही होया; इस करकै उसका खून उसे ताहीं लागैगा। पर, जै वो चौकन्‍ना हो जान्दा, तो अपणी जान बचा लेन्दा।