Versets bíblics populars de निर्गमन 15

Comparteix

“जै तू अपणे परमेसवर यहोवा का वचन तन-मन तै सुणै, अर जो उसकी निगांह म्ह सही सै वोए करै, अर उसके हुकमां पै कान लगावै अर उसकी सारी विधियाँ नै मान्‍नै, तो जितने रोग मन्‍नै मिस्रियाँ पै भेज्जे सैं, उन म्ह तै एक भी तेरे पै न्ही भेज्जूँगा; क्यूँके मै थारा ठीक करण आळा यहोवा सूं।”

यहोवा मेरा जोर अर भजन का कारण सै, अर वोए मेरा उद्धार भी ठहरया सै; मेरा परमेसवर वोए सै, मै उसे की स्तुति करुँगा, (मै उसकी खात्तर निवास-स्थान बणाऊँगा), मेरे पूर्वजां का परमेसवर वोए सै, मै उस ताहीं सराहूँगा।

हे यहोवा, देवत्यां म्ह तेरे बराबर कौण सै? तू तो पवित्रता कै कारण महाप्रतापी, अर अपणी स्तुति करण आळयां के भय कै लायक, अर अचम्भे कै काम का करण आळा सै।

अपणी करुणा तै तन्‍नै अपणी छुड़ाई होई प्रजा की अगुवाई करी सै, अपणी ताकत तै उसनै अपणे पवित्र निवास-स्थान म्ह ले चाल्या सै।

फेर मारा नाम की एक जगहां पै पोहचे, ओड़ै का पाणी खारा था, उस ताहीं वे न्ही पी सके; इस कारण उस जगहां का नाम मारा पड्या। फेर वे न्यू कहकै मूसा कै खिलाफ बड़बड़ाण लाग्गे, “हम के पीवां?” फेर मूसा नै यहोवा के नाम की दुहाई दी, अर यहोवा नै उस ताहीं एक पौधा बता दिया, जिस ताहीं जिब उसनै पाणी म्ह गेरया, फेर वो पाणी मिठ्ठा होग्या। ओड़ैए यहोवा नै उनकै खात्तर एक विधि अर नियम बणाया, अर ओड़ैए उसनै न्यू कहकै उनकी परीक्षा करी