Versets bíblics populars de 2 कुरिन्थियों 1

Comparteix

म्हारै प्रभु यीशु मसीह के पिता अर परमेसवर का धन्यवाद होवै, जो दया का पिता, अर जो हमेशा तसल्‍ली देवै सै। परमेसवर म्हारै सारे दुखां म्ह तसल्‍ली देवै सै, ताके हम उस तसल्‍ली कै कारण जो परमेसवर म्हारै ताहीं देवै सै, उन ताहीं भी तसल्‍ली दे सका, जो इस तरियां के दुखां म्ह हो।

क्यूँके जिस तरियां मसीह म्ह हमनै घणे दुख होवै सै, उस्से तरियां ए मसीह कै जरिये हमनै घणी तसल्‍ली भी होवै सै।

बल्के हमनै अपणे मन म्ह समझ लिया था, के म्हारे ताहीं मार दिया जावैगा, अर हम अपणे-आप पै भरोस्सा ना राक्खां, बल्के परमेसवर पै भरोस्सा राक्खां, जो मरे होया नै जिन्दा करै सै।

परमेसवर ए सै, जो हमनै थारे गेल्या मसीह म्ह मजबूत करै सै, परमेसवर नै म्हारे पै अपणी मोहर लगाकै बयान्‍ने के रूप म्ह अपणा पवित्र आत्मा म्हारे मन म्ह बसाकै म्हारे ताहीं चुण्या सै।

जै हम दुख पावां सां, तो या थारी तसल्‍ली अर उद्धार कै खात्तर, क्यूँके परमेसवर म्हारे ताहीं तसल्‍ली देवै सै, तो वो थमनै भी तसल्‍ली देगा ताके थम धीरज कै गेल्या उन दुखां ताहीं सह लेओ सो, जिन नै हम भी सहवां सां।