Versets bíblics populars de Secunnu Matteu 24

Comparteix

E comu l’ iniquità sarrà suprabbunnanti, la carità di tanti s’ arrifriddirrà. Ma cui perseverirrà sinu a la fini, chistu sarrà salvu.

E sarrà pridicatu stu vancelu di lu regnu pri tuttu lu munnu, pri testimonianza a tutti li genti: ed allura vinirrà la fini.

Pirchì sintirriti parrari di guerri, e di dicirii di guerri. Dati a cura di nun turbarivi. Giacchì sti cosi hannu a succediri, ma nun finisci ddocu.

Pirchì si sullivirrannu genti contra genti, e regnu contra regnu, e cci sarrannu pesti, fami, e terremoti ad ogni banna. Ma tutti sti cosi sarrannu lu principiu di li disgrazj.

Lu celu e la terra finirrannu, ma li mei palori nun manchirrannu.

Giacchì tanti vinirrannu a nomu miu, dicennu: Iu sugnu Cristu: e seducirrannu genti assai.

Allura vi jittirrannu ntra li tribulazioni, e v’ ammazzirrannu: e sarriti odiati da tutti li genti pri causa di lu me nomu. E allura tanti sarrannu scannaliati, e si tradirrannu l’ unu cu l’ autru, e si odiirrannu ntra d’ iddi. E accumparirrannu tanti profeti fausi, e seducirrannu genti assai.

E Gesù rispunnennucci dissi: Dati a cura, ca nuddu vi seducissi.

Perciò anchi vuautri siati preparati: giacchì ntra l’ ura, ca nun pinsati lu Figghiu di l’ omu vinirrà.

Stati allerta dunca, giacchì nun sapiti, a chi ura lu Signuri vostru vinirrà.

Però lu jornu e l’ ura nuddu la sapi, mancu l’ ancili di lu celu, ma lu sulu me Patri.

Giacchì accumparirrannu fausi cristi, e fausi profeti: e farrannu miraculi, e prodigj granni, di manerachì sarrannu ingannati (si fussi possibili) puru l’ eletti.

E comu a li tempi di Noè, accussì sarrà a la vinuta di lu Figghiu di l’ omu. Giacchì comu ntra li jorna prima di lu dilluviu manciavanu e vivianu, si maritavanu e pigghiavanu mugghieri, sinu a lu jornu, ca Noè trasiu ntra l’ arca, E nun si nn’ addunaru ca quannu vinni lu dilluviu, e si li purtau tutti: accussì sarrà a la vinuta di lu Figghiu di l’ omu.