Versets bíblics populars de Secunnu Matteu 15

Comparteix

Ma chiddi cosi, chi nescinu di la vucca, vennu di lu cori, e chisti allordanu l’ omu: Giacchì di lu cori nescinu li mali pinseri, l’ omicidj, l’ adulterj, li fornicazioni, li furti, li fausi testimonianzi, li bestemj.

Nun è chiddu, che trasi di la vucca, ca allorda l’ omu: ma chiddu, ca nesci di la vucca, chistu lu renni immundu.

Chistu populu mi onura cu li labbra: lu so cori però è luntanu di mia. E mmatula mi onuranu, nsignannu duttrini e cumannamenti di l’ omini.

Allura Gesù rispunnennu, cci dissi. O donna, la to fidi è granni: ti sia cuncessu chiddu, chi desideri. E so figghia fu sanata ntra dda stissa ura.

Ma chidda s’ avvicinau, e l’ adorau, dicennu: Signuri, ajutami. Lu quali rispunnennu dissi: Nun è bonu pigghiari lu pani di li figghi, e jittarlu a li cani. Ma idda dissi: Accussì è, Signuri: ca puru li cagnoli mancianu li muddichi, chi cadinu di la tavula di li soi patruni.