Versets bíblics populars de Secunnu Matteu 13

Comparteix

Cui però ricivi la simenza ntra la bona terra, è chiddu, chi ascuta la palora, e la cumprenni, e fa fruttu, e renni ora centu, ora sissanta, ora trenta pri unu.

Cui però ricivi la simenza ntra li spini, è chiddu, chi senti la palora: ma li sullicitutini di lu seculu presenti, e l’ ingannu di li ricchizzi suffucanu la palora, e si renni infruttuusa.

Qualunqui, chi senti la palora di lu regnu, e nun la ntenni, veni lu malu, e rapisci chiddu, chi era statu siminatu ntra lu so cori: chistu è chiddu, chi riciviu la simenza ntra la strata.

Cui poi riciviu la simenza mmenzu li petri, è chiddu, chi senti la palora, e subitu la ricivi cu gaudiu: Ma comu nun avi radica, ed è di poca durata, vinennu la tribulazioni e la persecuzioni pri la palora, subitu è scannaliatu.

Lu regnu di li celi è comu un tesoru ammucciatu ntra un tirrenu: ca comu un omu lu trova, l’ ammuccia, e tuttu allegru si nni va, e vinni tuttu chiddu, chi avi, e s’ accatta ddu tirrenu.

E parti cadiu ntra la terra bona: e detti fruttu, unni centu pri unu, unni sissanta, ed unni trenta pri unu.

Lassatili crisciri nsemmula nsinu a la messi, e ntra lu tempu di la messi cci dirrò a li mitituri: Arricugghiti primu la zizzania, ed attaccatila a mannuzzi pri abbruciarla: lu furmentu però arricugghitilu ntra lu me granaru.