Versets bíblics populars de Markus 9

Comparteix

Isowat i Yesus, “Kéitu réén ko kumua sa Aku ro'na? Pakasa ro'na mamuali a sé tou maéman!”

Wo si amang i toyaang itu makala'us mangko', “Yaku maéman! Tawangenai aku wosama' makaawes em paémanen.”

Kekawus in itu, si Yesus wo sé murit-Na muntep an esa walé. An tutuw wayaoka si Yesus wo sé murit-Na en am bitu wo séra mamuéi ai Sia, “Kéitu réén ra'ica kawooan ami musér si roh léwo' itu?” Isowat i Yesus ai séra, “Wayake' in sombayang, si roh léwo' tanu sia'i ro'na icesot.”

Kamu sé makiit Yaku tanu asin. En asin itu mémang loor, taan sa en asin itu imata'pé'o, ra'io wana ka'i torona. Tioo kamu mamuali tanu asin si mata'pé'o, taan menonouo mangé meeluran si esa wo sé walina.”

“Si séike' en sumungkul si toyaang teké' tanu si anio' ang karapi i ngaran-Ku, sia isumungkulo Yaku. Si séike' en sumungkul Yaku, ra'ica Yaku en sinungkulna, taan Sia si mutus Yaku.”

En ulitna icua-Ku mangé ai camu, si séike' e méé ai camu sanga gelas rano elepen ampa'paan kamu mengakiit si Kristus, sia ra'ica kawisa katalaan in laasana.”

“Sa awéan tou iméma' esaan asé toyaang teké' tanu si anio' sé maémano a Yaku akar séra méma' ing kamesé-meséaan aweso taré eng kolot i tou itu wa'kesan im batu wangker wo itiya' an ta'sic.

Sa em berenmu iméma' ico ang kamesé-meséaan, tu'iceno mio', ampa'paan aweso taré ko muntep an untep ing Kakolanoan i Amang Kasuruan in esa weren, wotaré rua weren taan ko itiya' an untep i naraka