Versets bíblics populars de Kisah Para Rasul 16

Comparteix

Isowat éra, “Maémano mangé a si Apo' Yesus Kristus wosama' ko malowir oka, taniitu ka'i pakasa sé am balému malowir.”

Wona' ang katoora im bengi, si Paulus wo Silas sumombayang wo kumantar ing kakantaren rarayoan a si Amang Kasuruan wo palingan ka'i é tou walina am bui. Tumarépé'anke'mai en tana' mangéro' repet akar en tinuliran im bui mekiito maéro'. Asi témpo itu ka'i pakasa em papalen imawuka' wo ka'i pakasa en ranté aiwa'kes a sé tou am bui mawuka'.

Kumawus in itu wali i capala im bui séra in dua wo kumua, “Tuang-tuang, sapa réén e musti émaanku wosama' aku ro'na malowir?”

Asi témpo itu si capala im bui mapolo, sérénna em papalen im bui imawuka'o waya. Pawerotenna sé tou am bui itumincaso waya, anaé, kémbutenna en sa'bel e maté in owak. Taan si Paulus mangko', icuana a si capala im bui itu, “Éi amang! Tioo maté in owak! Kami im baya am bia'ié'.”